أهلا بك زائر منتديات العقدة حديد تصفح كما تريد ثم سجل كما نريد تجد عندنا كل جديد . . . أنت من أبناء العقدة أنت صاحـــــب الدار . . . . سجل

ادارة المنتدى


منتديات العقدة حديد منبر حر للجميع من أجل تنمية و رقى المنطقة و تقدمها
 
الرئيسيةالتسجيلدخول
الساعة
المواضيع الأخيرة
» مسودة دستور الصندوق للخيرى
الجمعة أغسطس 19, 2016 2:41 pm من طرف معتصم فتح الرحمن

» وفاة الحاج / عبد الحميد عبد الغنى
الأحد أغسطس 07, 2016 5:05 pm من طرف معتصم فتح الرحمن

» سابقة قضائية في قضية جمارك
الجمعة يناير 01, 2016 6:16 pm من طرف ابراهيم عطية بابكر

» الكنداكة ملكة كوش
الجمعة ديسمبر 25, 2015 3:21 am من طرف ابراهيم عطية بابكر

» تمليك الطلاق
الإثنين يونيو 15, 2015 3:48 pm من طرف ابراهيم عطية بابكر

» استعجلي وخشي القليب
الثلاثاء مايو 26, 2015 7:58 pm من طرف بلسم

مواقيت الصلاة بكريمة
صورة العقدة

شاطر | 
 

 غشوني وقالولي السجن حق رجال

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: غشوني وقالولي السجن حق رجال   الإثنين أبريل 09, 2012 12:50 pm

في زيارة للعاصمة القومية الخرطوم وبينما انا وصديق عزيز في عربة الموصلات طلب الكمساري قروش العربية ودفعنا للكمساري والكمساري عمل ميت بالباقي ، صاحبي ده زول لايوق زي ام رقيقه شبك ليك الكمساري اسمع ادينا الباقي الكمساري نكر "حطب " اصلو ما عندك باقي عندي والشكله دورت وانا شغال اهدي في صاحبي "يا اخينا الباقي يطير خليهو " قال لي والله ما بخليهو طبعاً حرب داحث والغبراء دي كلها في مية جنيه اها الشكله بقت في الواطه قدام الحافله السواق قام دفرني بالحافله وانا طقيت ليك القزاز والقزاز رقد رز وهنا اي زول خانق ليهو زول وقف وكلهم بعاينو لي السواق قال "لا لا القسم طوالى "اخوكم خمشوهو وودوني القسم .
المتحري شابكني إنت بتاع مشاكل مش الليله ارجى الراجاك ارفع يدك فوق "بركتوني" وشالو اي حاجه في جيبي وقال لي اقلع القاش يااخينا اقلع القاش كيف اسي لو بنطلوني "نصل " اعمل شنو شبكني امنع الفارغ إتوكلت على الله وانا بتمتم بعبارات إستنكار بعد داك فتح الحراسه واداني دفره تقول فاكني بنشاب وقفل الباب ولحدي هنا انا حاسي إني بحلم بحلم وجوه الحراسه القى ليك أًناس ركلهم التاريخ وهنا إتزكرت ليك المسلسلات لما الواحد ادخلوهو السجن بلقى رئيس العصابه وبتلمو عليهو وبدوهو علقه جامده وبعد داك بعرفو سبب الإستضافه شنو طبعاً عملت بمبدا الهجوم خير وسيله للدفاع وبادرتهم بالسؤال " يا جماعه المعلم فيكم منو " اي واحد يقول انا في سري قلت كلكم "ظعيط ومعيط " قالو لي اقعد كدي واحكي لينا الجابك هنا شنو هوانا جيت براي للنزهه ما جابوني بالقوه قلت ليهم انا جيت في شكله وكسرت قزاز الحافله نط واحد وبضحكه من الاعماق وقال لي " إنت المهلهل ده كسرت قزاز حافله سبحان الله" وهنا اخوكم خلاص قرب إنط ليهو في رقبتو لكن قلت ما ازيد الطين بله .
بعد داك اي واحد بقي يحكي لي جابوهو في شنو البقول لي جابوني في شيك والبقول لي انا ما دفعت قروش الايجار لي خمسه شهور واحد جابوهو واقف ديك مكوه واحد عامل فيها مصلح ديني شاف بت بعرفا ماشه مع ولد مسك الولد جلدو والحراسه تسع الجميع .
اها ياجماعه الزول الفارز عيشتو وقاعد براهو داك مالو قالو لي ده كتل ليهو زول وبكره مرحلنو لسجن كوبر هنا اخوكم لملم طرفو وقطع حس وقلت في نفسي يقوم يقول الزول النضام ده اكتلو اصلي ميت ميت
اها في واحد من المساجين نظام داير يوريني الخدمات في الحراسه كيف قال لي شفت الجردلين ديك واحد فيهو موية شراب وخلوها بالنيه " .
كانت ليله مرصعه بالسواد واخوكم جاهو إحساس بإنو ما إنسان وجاني اخوي نظام بيواسيني وشابكني " السجن للرجال " مديت راسي للحراسه الجنبنا القى فيها نسوان والنفسيات رقدت واطه .
الصباح جا الرقيب النبطشي وقال إنت وإنت وإنت قومو قشو الحراسه دي وانا من ضمن الناس المختارين للمهمه الصعبه دي وقلت ليهو انا عندي حساسيه قال لي حساسيه في عينك الليله تقش براك واداني المقشاشه طبعاً الحراسه بتفوح منها عطور باريسيه اصليه
وبعد حجة وعوك عوك وتدخلات خارجية قاموا طلعوني وقمت ودعت الناس الفي الحراسة ومشيت البيت اشعث اغبر وانا خاشي على بيت عمتنا القى ليك فلانة شمار في لجنة الاستقبال والمراسم قامت ضحكت ليها ضحكه فيها سخريه وقالت "هي إنت القلنا عليك مسكين طلعت بتاع مشاكل "إن شاء الله سكين في بطنك كان ما السجن حااااااااااار كان جلدتك .

وللقصة بقية

__________________________________
[ندعوك للتسجيل في المنتدى أو التعريف بنفسك لمعاينة هذه الصورة]


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
محمد عبدالله عمر

 عضو فاعل
 عضو فاعل
avatar

عدد المساهمات : 153
تاريخ التسجيل : 21/05/2011
الموقع : الخرطوم

مُساهمةموضوع: رد: غشوني وقالولي السجن حق رجال   الثلاثاء أبريل 10, 2012 8:08 pm

قصة مؤثرة جداً
كلو كوم وفلانة شمار اللاقتك فى الاستقبال دى كوم
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: غشوني وقالولي السجن حق رجال   الأربعاء أبريل 11, 2012 1:01 pm

ههههههـ
شكلك عرفتها
تسلم علي المرور

__________________________________
[ندعوك للتسجيل في المنتدى أو التعريف بنفسك لمعاينة هذه الصورة]


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
هشام عبدالرحمن

 عضو رائع
 عضو رائع
avatar

جائزة مسابقة رمضان للعام 1432

عدد المساهمات : 815
تاريخ التسجيل : 12/06/2011
الموقع : البلد ام نيم

مُساهمةموضوع: رد: غشوني وقالولي السجن حق رجال   الأربعاء أبريل 11, 2012 2:32 pm

انتا يافلان اصلو ماتتوب وان كان لي فلاني شمارات انكان لقيت كبدتها كت قرشتها .تسلم ياحبيبنا علي السرد الممتع
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: غشوني وقالولي السجن حق رجال   الثلاثاء أبريل 17, 2012 1:57 pm

الجاتك في نفسك سامحتك
الخلا والا الرقفيق الفسل

تسلم هشام
مرورك يسعدنسي دائما

__________________________________
[ندعوك للتسجيل في المنتدى أو التعريف بنفسك لمعاينة هذه الصورة]


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
 
غشوني وقالولي السجن حق رجال
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: القسم العام :: منتدى الحكاوى و التراث-
انتقل الى: