أهلا بك زائر منتديات العقدة حديد تصفح كما تريد ثم سجل كما نريد تجد عندنا كل جديد . . . أنت من أبناء العقدة أنت صاحـــــب الدار . . . . سجل

ادارة المنتدى


منتديات العقدة حديد منبر حر للجميع من أجل تنمية و رقى المنطقة و تقدمها
 
الرئيسيةالتسجيلدخول
الساعة
المواضيع الأخيرة
» مسودة دستور الصندوق للخيرى
الجمعة أغسطس 19, 2016 2:41 pm من طرف معتصم فتح الرحمن

» وفاة الحاج / عبد الحميد عبد الغنى
الأحد أغسطس 07, 2016 5:05 pm من طرف معتصم فتح الرحمن

» سابقة قضائية في قضية جمارك
الجمعة يناير 01, 2016 6:16 pm من طرف ابراهيم عطية بابكر

» الكنداكة ملكة كوش
الجمعة ديسمبر 25, 2015 3:21 am من طرف ابراهيم عطية بابكر

» تمليك الطلاق
الإثنين يونيو 15, 2015 3:48 pm من طرف ابراهيم عطية بابكر

» استعجلي وخشي القليب
الثلاثاء مايو 26, 2015 7:58 pm من طرف بلسم

مواقيت الصلاة بكريمة
صورة العقدة

شاطر | 
 

 استعجلي وخشي القليب

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6, 7  الصفحة التالية
كاتب الموضوعرسالة
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: استعجلي وخشي القليب   الأربعاء يونيو 06, 2012 3:03 pm

تذكير بمساهمة فاتح الموضوع :

بتنفسك في الضيق شهيق يا أحلي من طعم التمر
يامالية قلبي حروف يقين من الصباح واليوم يمر
نشوان بكون في حضرتك وإتهنأ بيك طول العمر
يابت رقيقه كما الزهور نديانة والحال فيك يسر
ما أجملك والله جد لمن خطاكي تجيني من بعد العصر
وعند المغيرب توصلي تلقيني مت من الصبر
صبري العليك ماصابرو زول صبر السيوف في يوم بدر
أصحابه شادين القتال دايرين من المولي الأجر
تسمع صليلا وري الجبال تحلف تقول يا الله كر
إستعجلي وخشي القليب أناحالي دونك أصلو مر
مافيهو حتي طعم حياة ومن غير عيونك مابيسر .

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال


عدل سابقا من قبل كردي ستار في الأربعاء ديسمبر 05, 2012 1:48 pm عدل 2 مرات
الرجوع الى أعلى الصفحة اذهب الى الأسفل

كاتب الموضوعرسالة
كردي ستار

 مشرف القسم العام
 مشرف القسم العام


عدد المساهمات : 4661
تاريخ التسجيل : 21/05/2011

مُساهمةموضوع: رد: استعجلي وخشي القليب   الأحد فبراير 17, 2013 1:02 pm

ماعـاااااادي كان
في لقانا كل الكان جميل
كونك تشوف اليدهشك
في حضرة الوطن البخيل
في حد زاتو ده إندهاش
إحساس ينسيك القبيل
أنا بكره الفرقه التكون
مابتعرف الشي المستحيل
يهدم يكسر شان يلم
إتنين مفرقم العويل
إتنين وتالتم الحنين
عايشين ويحلموا بي شليل
أنا بشكرك يازولة زوق
يابت بتطلعي من نخيل
ساعة يكون رامي الجريـد
شايل سبيطو الكيف جميل
شارب من الأرض السماح
جايب طعيمو من أحلي نيل
أنا بشكرك رغم البعاد
ما البيكي عارفو حمل تقيل
حمل المغنين الجبال
حلم اليتامه براهو ويل
كان نفسي أدخل جوة فيك
لكني ماشايلني حيل
أنا حيلي من بدري إقتنع
ساعة أزوهو الديك وديل
لمن بلدنا بقت دماار
وإترملت فوق أي ميل
أنا بشكرك يا أحلي بـت
وإتقبلي الشكر الجزيل
وخليني جواك باقي روح
شان أمنع الدمعات تسيل
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام


عدد المساهمات : 4661
تاريخ التسجيل : 21/05/2011

مُساهمةموضوع: رد: استعجلي وخشي القليب   الأربعاء فبراير 20, 2013 8:41 am

الفراق أنا ماني قـدرو
فرقتك أبكـت عيوني
ستو لو بقدر أسيبـك
إحتـمال يظهر جنوني
ياما قبـلك كنت صابر
وإنت برضـك عايشه دوني
إلآ هسه بعد عرفتك
راحت أوهامي وظنوني
وإبتديت أحلم وأأمـل
في أحاسيسي وشجـوني
ستو قبلك كنت يائـس
وديمه كان الله في عوني
كنت متعذب وأجابـد
في السنـين العذبوني
ولما شفـتك يا الحنينه
يا البنية الكيف أمينه
إقتنعته بأني كونك
وإنتي برضك ياكي كوني !



الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام


عدد المساهمات : 4661
تاريخ التسجيل : 21/05/2011

مُساهمةموضوع: رد: استعجلي وخشي القليب   السبت فبراير 23, 2013 9:42 am

شوفي كيف أنا مشتهيكي
برغم نكرانك وجحودك
ورغم كل البينا هسع
وبين كلامك وبين وعودك
ولسه بالأشواق أجابـد
منتظر برقك ورعودك
والسحابة البينا تبرق
بي بشاراتك ووفودك
دار أطير أنا فوق سماكي
بي جناح ناقص وقودك
دار أطير يا زولة أجيكي
شان أحلك من قيودك
وأبقي جمبك ياحبيبه
بــين رياحينك وورودك
؛؛؛ ؛؛؛ ؛؛؛ ؛؛؛ ؛؛؛
يا رايعة شوقك لو تعرفي
يبقي أموت من حرو هسع
وإندفن مابين رموشك
من قبل شمس الله تطلع
لو أموت بي طلقه أحسن
أو كمان يضربني مدفع
برضو أخير يا رايعة وأفضل
من أموت بي شوق مدرع
نحنا جينا من الغلابـه
من حضن بيتنا المشلع
مانا ناس راحات ربينا
لانا ناس زخرف مرصع
نحنا أولاد طين أصلنا
ونلبس اللبس المرققع
نركب الموجة ونعدي
وكل منانا نلاقي مشرع
؛؛؛ ؛؛؛؛ ؛؛؛؛ ؛؛؛ ؛؛؛
نرضي بالحاجه القليله
بالقليل نرضي ونغني
دنيا تهدينا المواجع
وياما قبلك ألمتني
مابتشوف حالي اليمحن
زايده في الآلام أذتني
قطعت قلبي البيصبر
بالمواجع طامة بطني
إلآ ربنا هو البيرحم
وهو البزيل أحزاني عني


عدل سابقا من قبل كردي ستار في السبت نوفمبر 09, 2013 1:55 pm عدل 1 مرات
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام


عدد المساهمات : 4661
تاريخ التسجيل : 21/05/2011

مُساهمةموضوع: رد: استعجلي وخشي القليب   الأحد فبراير 24, 2013 11:34 am

.

جات داخـله تووش ما ليها حق
كـان مفتـرض وعلي الأقل
تطرق البـاب مرتين (كو- كو)

وفـي التالته زاتا تقول احم
دي الضو عـديل
وزي البرق لمن شلع فج
الظلام ومن غير نضم
هادي البنية بتفتكر انو الرعد
مــن غيرا ما بيسوي الحلم
جات داخله توش ومن غير هِدم
كيفــن تخش واصلاً هـي فـي
معــزوره ما عـارفه القليب
لمن يشـوفا بينتشي وبينتشي
والشــاف ضليلا اليوم داك
فـي ذاتو ابدا أبدًا ما سلم


عدل سابقا من قبل كردي ستار في السبت نوفمبر 09, 2013 2:36 pm عدل 1 مرات
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام


عدد المساهمات : 4661
تاريخ التسجيل : 21/05/2011

مُساهمةموضوع: رد: استعجلي وخشي القليب   الأربعاء أبريل 10, 2013 4:54 pm

شربته مـن الوجع مرو
وكان يوماااتي ليا معاد ؛؛
وطن واجعني لـيل ونهــار
ممسخ فرحة الأعياد ؛؛
مداين تحرق الأعصاب
شوارعنا المشيها جهاد ؛؛
بيوت مطلية بالأحزان
علي الزمن الوقــف مشهاد ؛؛
سقوفا من الجريد والقش
ولا بتخلف فـرد ميعاد ؛؛
ووكت يقـع المرق بالجد !
بتبقي الدنيا ضاجه سواد ؛؛
حليلك إنـتي يابلدي
كرهته عشانك أي بلاد ؛؛

 ¤¤ــــــــــ¤¤

متينـك يابـلد تصحي
تشوفي الواقع المنحوس ؛؛
وكت يهـجم عليكي عدو
يدسوا الدانه والمجروس ؛؛
عساكرك غايتـو ليها الله
وهو القادر عليها يدوس ؛؛
نظامك بس فلاحتو يشيل
وما بيدي البدورلو عروس ؛؛
نظام دقن الضلال والجوع
نظام بيغلي سعر الموس ؛؛
عشان الناس تربي دقون
وكل الدنـيا تبقي تيـوس ؛؛
وطـن عايش حياتو ضباب
علي نهجو اللي مامدروس ؛؛
وعيب الزول يعيش فلسان
ويمشي يقـلد الطاؤوس ؛؛

 ¤¤ـــــــــــ¤¤

حليلـك ستو وين إنتي
تعالي نكوس نشوفلنا بيـت ؛؛
قبل ما الدنيا تبقي ضلام
ومانلقالنا حـته نبيت ؛؛
عشان ماتشربي الآهـات
كفاية أنا منـها إتكفـيت ؛؛
شربـته من الوجع سنوات
وحاتك ستو ضممه رويت ؛؛
وجع بلدي الصبـح ورطه
والخوف يبقي لي جـلطه
علاجا دواها فـي الشرطـه
وكت يبقي البلاغ مفتوح
بدل حقنـه ودرب للـروح
بيضربوا في القلب دنميـت ...


عدل سابقا من قبل كردي ستار في السبت نوفمبر 09, 2013 2:03 pm عدل 1 مرات
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام


عدد المساهمات : 4661
تاريخ التسجيل : 21/05/2011

مُساهمةموضوع: رد: استعجلي وخشي القليب   الأربعاء أبريل 10, 2013 5:10 pm

شربته مـن الوجع مـــرو


عدل سابقا من قبل كردي ستار في السبت نوفمبر 09, 2013 2:04 pm عدل 1 مرات
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام


عدد المساهمات : 4661
تاريخ التسجيل : 21/05/2011

مُساهمةموضوع: رد: استعجلي وخشي القليب   الأربعاء أبريل 24, 2013 2:27 pm

طاهره زي أم عيسي مريـم
وواضحه زي شمس الله ديك ..
وشارقه في كـل المواسم
ويوم تغيـب تندسه فـيك ..
زوله تمـرق شان تخشـك
وتدخلـك غصباً عليـك ..
وتجري في داخلـك كأنو
من صغيره بتشتهيك ..
بت تجنن بت تحير بت تمحن
بت بترسم زاتا فيك .....
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام


عدد المساهمات : 4661
تاريخ التسجيل : 21/05/2011

مُساهمةموضوع: رد: استعجلي وخشي القليب   الجمعة مايو 10, 2013 8:06 am

ماتزعلي وقشي الدموع
عينيكي ماهن للنواح ..
عينيك وطـن بالنسبـة لي
وطني المزين بالسماح ..
قشي الدموع وإتـزيني
أنسي النواحات والجراح ..
خليكي قدر إحساسي بيك
ياشقشقة نفس الصباح ..
يا المنك إتخلق اليقـين
عنوان عريض إسمو النجاح ..

يـلاكي قبـل الضلام
يعلن حضورو علي البيـوت ..
خليها إيديــك في إيـدي
خليكي جمبي وكت نفوت ..
نعلن سفرنا علي مدن
ونمسك رؤوس كل الخيـوت ..
ما نخشي من مدن الضياع
مدن الطشاشات والخفوت ..
ونوضع أساس لي ها الحياة
والرأي يكون بي أعلي صوت ..

يا رايعة دايماً بشتـهيك
كل مايضيق خرم الصبر ..
شان إنتي وحدك طوق نجاة
وغيرك بموت نـاقص عمـر ..
دوزنتبك عصـب الســكون
ساعـة يحاصرني الفــقر ..
وأنا بيكي غنـيان باليقـين
في كل لحظة وكت تـمر ..
يا طاعـمه كلـك أغنيات
طعمك يفووق طعم التمـر ..
يابت نهاية كـل صيف
يا الديـمه تعلني بالخريف..
رغم الوجع والحال أسيــف
ورغم البضوقو بضوقو مر ..
الرجوع الى أعلى الصفحة اذهب الى الأسفل
ابوحسن

 عضو واعد
 عضو واعد


عدد المساهمات : 54
تاريخ التسجيل : 28/11/2011

مُساهمةموضوع: رد: استعجلي وخشي القليب   الأحد مايو 12, 2013 7:01 am


استعجلت خشيت القليب ياكردي.......لكن ماتنقطع منو كتير
لك الود يااستاروانت تتحفنا بالروائع والدرر
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الجمعة مايو 17, 2013 3:29 pm

ابوحسن كتب:


استعجلت خشيت القليب ياكردي.......لكن ماتنقطع منو كتير
لك الود يااستاروانت تتحفنا بالروائع والدرر


شكرا يا رائع علي مرورك الذي ازدانت به دوحتي
دمت بود

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   السبت يوليو 06, 2013 6:32 am

أبقـي داخل ..
وسد علي كل المداخل !!
وأمنع الضو المروق ..
ماتفـوت جواي تودع
بيني بينك أحلي شوق ..
شوق مزارعية وغلابه
شوق مرسل للسحابه
والخطابات البروق ..!!
خلي يبقـي دخولك إنت
دخلة الضو في المكان ..
شان تفج ظلمة حياتي
إنت ياقمر الزمان ..
نور الكـون بي وجيهك
ضوي وأديني الإمان .. !!
بي وجودك ببقي عاااارف
إني بيك مليان مشاعـر ..
والدروب البمشي فيها
فيها كل اليمشي شاعـر ..
يكتب الأشواق قصيده
في الزمانات العنيـده
ويمـلأ آآآآلآف الدفـاتر ..!!
ابقي داخل ..
وأمرق الشك المعشعش
في حنايا الروح يـلاوي ..
وأنفـض الغبن البيـقعد
يملأ قلبي من الشكاوي ..
أبقي داخل شان تلحن
أحلي أبيـات الغـناوي ..

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   السبت أغسطس 03, 2013 7:30 pm

إشتهـيت يا رايعة صوتك وحالي بالشوق حال يتامه
نفسي بين لحظات أكونك إنتي ياروحي وهـيامـه
إنتي يا الحلم البسافر في ضجيج معني السلامه
نفسي في حضنك أقيل انتي ما أحلي إبتسامه
ياغنيوة حروفا تعني راحه في الزمـن القيامه
 نفسي أجيك شان ماني عارف إيه تكون دنيا العواطف ؟
 وكيف يروح خجل البعاد فجأة بين عسـل الشفايف ؟
يـوم أجيـك يا رايعة بـدري زول متيم وماهو خايف
 همو كلو حضـن حبيبه في الزمانات القريبه
والمساحات الرحيبه بيني مابينك أكيده
ماها بين صفحات جريده ولاها عنوان في صحايـف !

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
بلسم

 عضو رائع
 عضو رائع
avatar

عدد المساهمات : 511
تاريخ التسجيل : 04/09/2011
الموقع : الخرطوم

مُساهمةموضوع: رد: استعجلي وخشي القليب   الإثنين أغسطس 05, 2013 9:48 am

ربنا هو البيرحم وهو البزيل أحزاني عني
الرجوع الى أعلى الصفحة اذهب الى الأسفل
عبدالله ابوغرة

 نائب المشرف العام
 نائب المشرف العام
avatar

عدد المساهمات : 688
تاريخ التسجيل : 28/05/2011
الموقع : الخرطوم

مُساهمةموضوع: رد: استعجلي وخشي القليب   الإثنين أغسطس 05, 2013 12:03 pm




 حقاً يا بلسم ربنا هو البيرحم 
ربنا يرحمك..........  وايانا 


طولتى الغيبة ... وفقدناك حالص   نعل المانعك خيير
خاصة  الاربعاء يو اللمة الكبييرة


ياخى  ولو سمحتى  ما تتاخرى .........
الرجوع الى أعلى الصفحة اذهب الى الأسفل
بلسم

 عضو رائع
 عضو رائع
avatar

عدد المساهمات : 511
تاريخ التسجيل : 04/09/2011
الموقع : الخرطوم

مُساهمةموضوع: رد: استعجلي وخشي القليب   الإثنين أغسطس 05, 2013 7:18 pm

شكرا اخي عبدالله وكل سنةوانت بخير وكيف الامورات والغاليةمريم..غيابي كان لظروف خاصة ..اللمه متين؟الساعةكم؟
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الأربعاء أغسطس 14, 2013 10:34 am

[rtl]وقعت بيوتنا بعد عمار
من حضرة المدعو المطر ..
وأصبحنا في الشارع نبيت
بي فعل فاعل ماقدر ..
وينو القدر ؟
والسيل يجي ويلقي البيوت
توزيعا كان في المنحدر !
ده يكون قدر ؟
والسيل يجي ومن غير كلام
بي فوقنا مر مرور كرام
مامده إيدو عشان سلام
وكان قلبو ديمه علي حجر!
ده يكون قدر ؟
إشمعنا ماشال بيت وزير ؟
بيت الوزير ما من حصير !
بيت الوزير سكنة أمير !
بنيان مسلح دار يطير !
مابيت غفير ..
شان ينضرب في عيدو جير
ده يكون قدر ؟
والشي اليغيط وزرا السجم
بيقولوا للناس أصبروا !
والجاي خير !
صابرين عليكم ومن سنين
ماشين وماعارفين لي وين
نحنا الغلابة الكادحين
نحنا الحياتنا جروره دين
ساكنين بيوت مبنية طين
والناقصة تماها المطر!
سبحانو هو ..
هادي المطر بتهد بيوت
وبرضو بتغسل في بيوت !
كده ماقدر !!
في بيوت من القش والحصير
وفي بيوت مسلحة ده الفرق!
بيت الوزير بيت من رخام
وأسمنت جايي من الشرق !
وبيت الغلابه الصابريـن
هو الوحدو بالسيل الغرق !
في أكيد فرق ..
بين زول يسف وياكل الحرام
وهدومو من ريش النعـام
وفي زول يفتش لي طعام
وفي موجة الآلام شرق !
في أكيد فرق ..
بين البيسرق في البلد
وبين البعاني عشان يعيش ..
وبين اليخم خير الوطن
وبين البيحلم يلقي عيش ..
وبرضك تقول إتصبروا ؟
صابريـن علي ظلمك زمن
ماشين وراجعين لي وري ..
والدنيا ماشة علي جحيــم
ماطالا ناكل في التري ..
إنتو الحكومة الما بتحس
ونحنا الحشانـــا الإتهري ..
اليعمل الخير حايشوف
واليعمل الشر حا يري ..
السيل بقيف ..
المشكله ! تااااااني العمار
أصلو البنا داير كتير ..
في ناس حاتبني وحاتعيش
وفي ناس حينقصم الكتير ..
أهلي الغبش أهلي الكرام
مابيلقوا حتي حقيق سرير ..
حايبنوا كيف ؟
كيف يبنوا فوقك ياوطن
وإنت البراك شفته السيول ..
سيلك تقول قاصد البيوت
مدفور محرشو يبقي زول ؟
ده يكون منو ؟
قول ليا وأحلف بالرسول !
المفترض كالآتي هو :-
يا إما حانعيش في أمان
يا إما نمشي نكوس وطن !
ووطناً ولا فيهو الأمان
ده ولاااااا وطن !
وطناً ملخبط من زماااان
ده ولا وطن !
وطناً يكون لي شعبو خان
ده ولا وطن !
وطناً يذل ولي شعبو هان
ده ولا وطن !
وطني البعــرفو وطن براح
وطناً يضمممد في الجراح
وطناً يقول أرضاً سلاح
وطناً ملان طيبه وسماح
وطناً نحبو زي الصلاح
في جوفنا بالليل والصباح
وطني العزيز الما مباح
وطني النجاح
وطني العدوهو بيتعدم
وفـــي الله راااااااااح ..
[/rtl]

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الأربعاء أغسطس 21, 2013 11:43 am

وقعت بيوتنا بعد عمار
من حضرة المدعو المطر ..
وأصبحنا في الشارع نبيت
بي فعل فاعل ماقدر ..
وينو القدر ؟
والسيل يجي ويلقي البيوت
توزيعا كان في المنحدر !
ده يكون قدر ؟
والسيل يجي ومن غير كلام
بي فوقنا مر مرور كرام
مامده إيدو عشان سلام
وكان قلبو ديمه علي حجر!
ده يكون قدر ؟
إشمعنا ماشال بيت وزير ؟
بيت الوزير ما من حصير !
بيت الوزير سكنة أمير !
بنيان مسلح دار يطير !
مابيت غفير ..
شان ينضرب في عيدو جير
ده يكون قدر ؟
والشي اليغيط وزرا السجم
بيقولوا للناس أصبروا !
والجاي خير !
صابرين عليكم ومن سنين
ماشين وماعارفين لي وين
نحنا الغلابة الكادحين
نحنا الحياتنا جروره دين
ساكنين بيوت مبنية طين
والناقصة تماها المطر!
سبحانو هو ..
هادي المطر بتهد بيوت
وبرضو بتغسل في بيوت !
كده ماقدر !!
في بيوت من القش والحصير
وفي بيوت مسلحة ده الفرق!
بيت الوزير بيت من رخام
وأسمنت جايي من الشرق !
وبيت الغلابه الصابريـن
هو الوحدو بالسيل الغرق !
في أكيد فرق ..
بين زول يسف وياكل الحرام
وهدومو من ريش النعـام
وفي زول يفتش لي طعام
وفي موجة الآلام شرق !
في أكيد فرق ..
بين البيسرق في البلد
وبين البعاني عشان يعيش ..
وبين اليخم خير الوطن
وبين البيحلم يلقي عيش ..
وبرضك تقول إتصبروا ؟
صابرين علي ظلمك زمن
ماشين وراجعين لي وري ..
والدنيا ماشة علي جحيم
ماطالا ناكل في التري ..
إنتو الحكومة الما بتحس
ونحنا الحشانا الإتهري ..
اليعمل الخير حايشوف
واليعمل الشر حا يري ..
السيل بقيف ..
المشكله ! تااااااني العمار
أصلو البنا داير كتير ..
في ناس حاتبني وحاتعيش
وفي ناس حينقصم الكتير ..
أهلي الغبش أهلي الكرام
مابيلقوا حتي حقيق سرير ..
حايبنوا كيف ؟
كيف يبنوا فوقك ياوطن
وإنت البراك شفته السيول ..
سيلك تقول قاصد البيوت
مدفور محرشو يبقي زول ؟
ده يكون منو ؟
قول ليا وأحلف بالرسول !
المفترض كالآتي هو :-
يا إما حانعيش في أمان
يا إما نمشي نكوس وطن !
ووطناً ولا فيهو الأمان
ده ولاااا وطن !
وطناً ملخبط من زماااان
ده ولا وطن !
وطناً يكون لي شعبو خان
ده ولا وطن !
وطناً يذل ولي شعبو هان
ده ولا وطن !
وطني البعرفو وطن براح
وطناً يضمد في الجراح
وطناً يقول أرضاً سلاح
وطناً ملان طيبه وسماح
وطناً نحبو زي الصلاح
في جوفنا بالليل والصباح
وطني العزيز الما مباح
وطني النجاح
وطني العدوهو بيتعدم
وفي الله راااااااااح ..

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الأربعاء أغسطس 21, 2013 11:47 am

زولة تسكن في دواخلك
وأي حاجة هي رايعة فيها ..
حاجة بتفيض بالـحكاوي
وتدي إحساس بالمحنـة ..
حاجة مطلع في الغناوي
بتطـرد الشك بالمظنــة ..
حاجة تدخل في البيـوت
وتمنع الضو الخفـوت
تبقي صوره وتبقي صوت
وللعروسة بتبقي حنة ..
حاجة في صدر اليناهد
وحلوة في عين المشاهد
وفي جرس كل المعابد
ولليموت في الحق مجاهد
تبقي ليهو ظلال وجنة ..
حاجة فيها ..
داخله في الوطن البريدو
ومارقة من وجع المفاصل ..
وللوطن باقيالو عيدو
وواضحه في كل المحافل ..
حاجه في المدن البعيـده
وولعت نار الأكيده
في عيون زولتي البريده
حاجة تهدي الزول قصيده
وتمشي مابترجي المقابـل ..
حاجة فيها ..
قاعـده بالليل تمتحني
في صدق قلبـي وشعورو ..
دار تشوف قلبي ونهايتو
وكيف يكون حالو وأمورو ..
حاجة بالليل والنهـار
موقده في أحشايا نار
وفي عيون كل الصغـار
وفي بيوت جات بالإيجار
ومارقه في موج البحار
وصرخة بتقــد الجدار
وفي القلب عنوان سرورو ..

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   السبت سبتمبر 21, 2013 10:36 am

منو الغيرك
عرف يدخل ويخش
يسكن فؤادي أنا ؟
منو الغيرك سقاني الريد
وكتبته عشانو أحلي غنا ؟
أنا الأديتك الأشواق
وكان في ريدي مافي عنا ..
فتحتلك القلب نفاج
وناديتلك تعالي هنا ..
تعالي أقعدي في الوجدان
أنا الراجيكي ليا زمان
عشان أملاكي ريد وحنان
وتشوفي معايا أحلي منى ..

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الخميس سبتمبر 26, 2013 2:26 pm

وإبتدت ثورتنا يلا
من هنااااك أرض الجزيره ..
في شوارع مدني قامت
ضد حكومتنا الحقيره ..
ضد نظام جهجه حياتنا
من قبل سنـوات كتيـره ..
مدني يا أرض الجسارة
ومنبع الناس الضكارة
المابيخافوا من الزخيره ..
مدني هي القدرت تعارض
وتكــسب الجوله الأخيره ..
وبالغضب مرقت تهلل
في الشوارع قيره قيره ..

مدني عاد لله درك
إنتي يا أم المداين ..
بالخضار عمرانة أرضك
لليشوف والدار يعاين ..
والجمال الفيكي تحفه
من بعيد شفناهو باااااين ..
طيبه زي طيبة بلدنا
بي جداولك والجناين ..
وناسك الرضعـو المحنة
وفيكي كم فنان تغني
مدني حاشاكي المظنة
وفي المدن معدوده جنة
ورحمك المابيلدي خاين ..

في وطنا ده كم مديـنة
لما مدني تقـوم برااها ؟
وليه براها تثور وتغضب
وبالإنابة عن المعاها ؟
يعني باقي بلادنا نايمه
ولسة ما زحت غطاها ؟
سامعه شايفه كلام رئيسا
وراضية بي نوحا وبكاها ؟
ودي المصيبة إذا بلدنا
خايفـة من أسباب بلاها !!
وراضية بالإنقاذ تهدددم
في بيوت غيرم بناها ..
وتحرق الوطن اللي أصبح
خوفو من جورا وغلاها ..

حاتظل ود مدني قصة
يوم يغور عفن النظام ..
ليها عيد ميلاد حيبقـي
وتحتفل في كل عام ..
وتبقي عاصمة لي بلادي
وليها مننا إحترام ..
طالما الخرطوم بتسكـت
ومدني هي التبدأ الكلام ..
وهي البتمرق في الشوارع
وللوطن ترفـع تمام ..
مدني وحدها هي الشجاعه
وباقي وطني طلع إشاعه
وخاف من السلطه وضباعه
مدني سمعاً ليك وطاعه
وربـي يديكي المناعه
ومني ليك مليوون سلام ...
ومني ليك مليوون سلام ..
ومني ليك مليوون سلام ..

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الخميس أكتوبر 03, 2013 7:28 am

خلينا أخوان يابت أحسن وأفضل من أحبك وتنسيني ..

حبيتك وحاسس بي غدرك وشفتك وأنا نايم بعتيني ..

الدنيا دي أصلا يا السمحه حتفرق بينك ومابيني ..

مع إنك زاتك تابعاها ياشايله النوم من ود عيني ..

قررته أفوتك شان إنتي إنسانة ولا بتحترم الريد ..

والناس الحولك شايفاهم الفاهم فيهم زاتو بليد ..

ويافاكره غرامك يسعدني أو إني بدونك ماني وليد ..

حتكوني كذبتي علي نفسك وضيعتي سنينك وشن بيفيد . ؟

الدنيا حتمشي وماحتقيف أحسن تتراجعي يازوله ..

والقصه البايخه دي أنهيها دي حكاية وملينا فصولا ..

وإخراجك ليها ده مانافع .. والقصه دي أصلا" منعوله ..

وإتعادت أكتر من مره وطلعتي كمان إنتي الأولي ..

شان إنتي تجيدي التمثيل وإجادتك مادايره دليل ودوايرك كلها مشغوله . ،،

المشكله إنك ما عارفه ومفتكره الدنيا دي في إيدك ...

ومفتكره النـاس الحوليكي ماناس أصلا" ديلا عبيدك ..

ومفتكره كمان إنك ملكه والناس محتفله عشان عيدك ..

لكن الناس الشايفاهـم ومفتكره بإنك ذالاهـم ديل أكعب زول فيهم سيدك

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
عمر عثمان ع

 عضو جديد
 عضو جديد


عدد المساهمات : 8
تاريخ التسجيل : 03/10/2013

مُساهمةموضوع: رد: استعجلي وخشي القليب   الجمعة أكتوبر 04, 2013 4:05 pm

نقطع الكراريس ونكسر الاقلام ونمسح الذاكره  ماعندنا حل غير كده تانى اخجلت تواضعنا عدببببببببببببببببل كده 
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الإثنين أكتوبر 07, 2013 7:29 am

عمر عثمان  تحياتنا وامانينا
يكفي طلتك يا رايع
وفرحة رجوعك بس كفى

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الإثنين أكتوبر 07, 2013 7:31 am

سمعتي القلب البيهمس ينادي يقولك تعـالي ؟
وعرفتـي بحبك لانـك برااااكي الطـافت خيـالي ؟
وبراكي كمان البريدك وبحس بمقامــك العالي ؟
كده إرتحته بعد عرفتي وفهمتي حقيقة سؤالي !

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الخميس أكتوبر 10, 2013 7:57 am

[rtl]سمعتي القلب البيهمس ينادي يقـولك تعـالي ؟[/rtl]
[rtl]وعرفتي بحبك لانك براااكي الطافت خيـالي ؟[/rtl]
[rtl]وبراكي كمان البريدك وبحس بمقامك العالي ؟[/rtl]
[rtl]كده إرتحته بعد عرفتي وفهمتي حقيقة سؤالي ![/rtl]
[rtl]بريــدك ريد البيعـرف وكـت يختـار الحبيبـة[/rtl]
[rtl]تكــون إنسـانة وتدففق تكب أشواق في قليبـة  .[/rtl]
[rtl]وقليبــه ملااان بالمحنـة بعيــده ولكـن قريبة.[/rtl]
[rtl]تكون زيك في السماحة شقيـة وماهـا مرتاحــة[/rtl]
[rtl]بتتعب وتكـره الـراحة وبتكـدح حـدها الغيبة.[/rtl]
[rtl]بتاكــل مــن حـر مـــالا نهـارا وليـــلا شغـالة[/rtl]
[rtl]تقـري تعلـم عيالــة وبتغــرس فيهم الطيبـة ..[/rtl]
[rtl]بحبـك بالجـد بريـدك برغـم الواقـع الهسـة ..[/rtl]
[rtl]وبقولك بي أعلي صوتي وكـلام مامـنو المدســة ..[/rtl]
[rtl]بحبـك لاااامــن أموت بحبـك يا أحـلي همسـة ..[/rtl]
[rtl]ومحال غيرك أمشي أفتش خـلافـك يبقالي مرسي ..[/rtl]

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الإثنين أكتوبر 21, 2013 12:00 pm

[rtl]راوياني ليه ؟
ماطالا حاتمـشي ووراك
من تاني بشعر بالعطش ؟
عارفاني من بعدك بضيع
يكفيني قلبي الإنخدش ..
والسكة غيرك طولا مـوت
وأنا فيها حتما حا أطـش ..
يازولة حبيتك يقيـن
وزي البعرفك من سنين
فجيتي من قلبي الأنين
وبناي معاك وصل العرش ..
رايداني ليه ؟
ماكان تخشي حياتي شوق
وتمرقي من باب الحزن !!
كيف تستقلي أشواقي ليك
وتمليني بالأسي والغبن ..
أنا يامـا شانك إرتضيت
عيشة البنادر والمدن ..
جوطة المطارات والضجيج
وغرف العمارات والسفـن ..
ناكراني ليه ؟
وأنا أصـلي معتاد الفراق
فاتوني يااااما أحباب كتار ..
لكن كمان إنـتي البــرااااك
الكنتي بالجد وماك هظار ..
أديتك الوفـا بالكتير
رغم العوارض والغبار ..
وكتبتلك أحلي الحروف
رسلتهن ليك مــن بدار ..
ناكراني ليه وأنا بيك بكـون
فرحان وكاسيني النضـار ..
ويوم كنتي إنتي وعود وريد
أنا كنتلك بحـر إنتظار ..
ياجاية هسع تنكـري
وللبينا ترفعي في الستار !!

[/rtl]

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
بلسم

 عضو رائع
 عضو رائع
avatar

عدد المساهمات : 511
تاريخ التسجيل : 04/09/2011
الموقع : الخرطوم

مُساهمةموضوع: رد: استعجلي وخشي القليب   الجمعة نوفمبر 01, 2013 1:16 pm

والسكه غيرك طولا موت..
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   السبت نوفمبر 02, 2013 12:33 pm

بلسم كتب:
والسكه غيرك طولا موت..
بحبـك ماعشان محتاج أشوفك يومي قدامي ..
كفاية أحس بأنك جد سعادتي ومصـدر إلهامي ..
وكفاي شعري الكتبتو عليك وكت ماخطتو أقلامي ..
وكفاية أحس بعشقك لي بتسعد ديمه أقدامي ..

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   السبت نوفمبر 02, 2013 12:47 pm

نفسي كان نتلمه نحنا وتبقي بيناتنا الصراحه ..
ونمشي فـي الدرب البودي لي مدن عمرت سماحه ..
وكنت دايرك تبقي مشرع لي مراكبي المستباحه ..
إلآ خابت فيك ظنوني وفيكي مالاقتني راحه ..
يانهاية ضحكة مـااتت يوم صبح فرحك مناحه ..
ويوم بكيت بي حرقة منك في الزمانات القباحه ..
وإقتنع قلبي البريدك ياتعب روحي ونواحه ..
وأمشي فوووتي !
وطالما قررتي تمشي أمشي يابدر البدور ..
وشيلي فـي إيديكي حلمي يانهاية كل سـرور ..
وأمشي في دربك براكي وقولي للأفراح تغور ..
ما الفرح في ظل وجودك يبقي زي سرب الطيور ..
التسافر لما تعرف مافي بين الظلمه نور ..
الوداع !
الوداع يا أحلي قصـة ويارواية ملاانة خوف
وكيف يشيل الزول صباعو ويطعن العين التشوف ؟
يا الطعنتي إنسان عشانك إنـضرب مليووون كفوف
في وطن محتل يناتق والمساكين بالصفوف
والوداع أحيان بيبقي زيو زي طعن السيوف
إلآ مجبور إني أفـارقك شان حياة الناس ظروف -

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
بلسم

 عضو رائع
 عضو رائع
avatar

عدد المساهمات : 511
تاريخ التسجيل : 04/09/2011
الموقع : الخرطوم

مُساهمةموضوع: رد: استعجلي وخشي القليب   السبت نوفمبر 02, 2013 5:37 pm

ياتعب روحي ونواحة أمشي فوتي..
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الأحد نوفمبر 03, 2013 1:40 pm

بلسم كتب:
ياتعب روحي ونواحة أمشي فوتي..
نفسي كان نتلمه نحنا وتبقي بيناتنا الصراحه

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
بلسم

 عضو رائع
 عضو رائع
avatar

عدد المساهمات : 511
تاريخ التسجيل : 04/09/2011
الموقع : الخرطوم

مُساهمةموضوع: رد: استعجلي وخشي القليب   الإثنين نوفمبر 04, 2013 7:07 am

اديتك سري وجهر اهلي ماقايلك يوم ح تجافيني..
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الخميس نوفمبر 07, 2013 7:48 am

كتر خيرك وماقصرتي
كونك تهدي حياتي مآسي ..
وشكراً ليك وبقولا حقيقة
وعارفك غيري أكيد حتقاسي ..
مين الغيري أهداكي حياتو
ده أنا فصلتك إنتي مقاسي ..
وكنت بريدك زي عينيا
وكنتي بتسكني في أنفاسي ..
وتكفي كمان أشعاري الفيكي
وياما كتير شلتك فوق راسي ..
وشكراً ليك !!
السويتو عشانك إنتي
يملأ الدنيا حنان ومحبة ..
والسطرتو قصايد شانك
كت بفرحبو ورب الكعبة ..
وكل الناس التقرأ قصايدك
كانت تعرف إنك صعبة ..
وياما كتير عذبتي رويحتي
رغم هوايا ومويتو العذبة ..
يا الأهديتك حضني مساكن
وإنتي أحضانك كانت غربة ..


__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
بلسم

 عضو رائع
 عضو رائع
avatar

عدد المساهمات : 511
تاريخ التسجيل : 04/09/2011
الموقع : الخرطوم

مُساهمةموضوع: رد: استعجلي وخشي القليب   الجمعة نوفمبر 08, 2013 8:23 pm

شكرا وكتر خيرك وماقصرتي كونك تهدتي حياتي مآسي..
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   السبت نوفمبر 09, 2013 6:47 am

شكرا بلسم على مرورك

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   السبت نوفمبر 09, 2013 12:33 pm

شن بفيدك !!
من مشاعر ميتة جواك
ومن سنين ما قادره تطلع ..
ولما قلبك قل دقو
وحتي عينيك بادية تدمع ..
يوم فقدته حبيبة كانت
لي غناويك أحلي مطلع ..
زولة شقيش مارحلته
شان عينيها تعود وترجع ..
كان تريدك ريد حقيقـي
وياما جواك كان بتزرع ..
كل صفات في الدنيا حلوه
وكان تشوفك إنت مشـرع !!

هسه لم حزنك عليكا
وشيل همومك يلا أرحل ..
فارق الأوطان وهاجر
وإقتنـع بي واقعك أقبل ..
أصلك إنت ملااان عوارض
وفي عينيك بالهم مكحل ..
إتولدته تفيض مواجع
وكنته زول يومااتي تخجل ..
داسي همك جوة قلبك
وبالهموم راقد مكبل ..
في ركن مجدوع براكا
ومافي زول عنك بيسأل ..

ماتقول دي القسمة أدت
الله مابيقسملك آهه ..
إنت براكا إخترته وجعك
وكنت جد إنسـان دلاهه ..
إرتضيت والهم قبلتو
وقسمتك ماجات براها ..
القسم معروفه أصلا
خيرا جايي عقب وراها ..
وإنت خيرك وين مكـانو ؟
وين أراضيهو وزمانو ؟
يبقي فات قبال أوانو
وشالتو الأحزان معاها !!

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الجمعة نوفمبر 15, 2013 2:56 pm

غالية وطلبك رخيص والله
تطلبي إنتي وأنا أديك ..
وماببخل عليك بي حاجه
يكفي أنا زاتي منك وفيك ..
فضلة خيرك إنتي العندي
ياما سكنته في عينيـك ..
فكيف مادام سكنته عينيكي
أجي في الآخر أبخل ليـك ؟
بحبك يا خلاصه الناس
بريدك وبرضي مغرم بيك ..
ومهما ألقي من أحزان
بعود وأحضن أنامل إيديك ..
وبخلصلك مدي الأيام
عشانك بكتب أحلي كلام
ومن أنفاسي أشق واديك ..
كفاية علي أكون جمبك
وأمتع روحي بي خديك ..
وأعيش في الدنيا أسعد زول
علي حاضرك وجمال ماضيك ..
وأعاهدك بي وفاء وأخلاص
وأعمل كل ما يرضيك

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الإثنين نوفمبر 18, 2013 6:37 am

بريدك أكيد وبضمنلك
مساحة كبيره في جواي ..
مكانك في القلب والروح
وأزينبك قوافي غناي ..
وأشيلك في صحاي أشواق
وعز الليل مساهره معاي ..
وأحكيلك حكايتي معاك
وأغنيلك غنا الدوباي ..
بحبك حب ضمانو أكيد
وبحلفلك بأني وليد
فرحان بيكي ضمه سعيد
وغيرك ما أظني أريد
عشقتك ياقمر دنياي ..
وعاهدتك !
تكوني قريبه لي عيني
أشوفك جمبي كل صباح ..
أفارقك مستحيلة أكيد
بلا عينيكي وين في نجاح ؟
بدونك أكون بلا إحساس
مشحتف وقلبي كلو جراح ..
بحس دونك كانو الكـون
فقد لي بلبلو الصداح ..
بلد غيرك ولاها بلد
ومرفوع في وشيهــا سلاح ..
وبتذكر !!
زمان قت ليك
عيونك إنتي أحلي وطن ..
وطن نديهو كل الشوق
نغني عشانو أجمل فن ..
نسمعو من غنا العشاق
غناوي جميله ليها تمن ..
ولاها متل غناوي اليوم
غناوي اليوم مشبعه ظن ..
ملقطة مـن شوارع الهم
مسيخة بتفقد أي طعم
وممسوح في وشيها سكن ...

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الخميس نوفمبر 28, 2013 2:46 pm

بريدك وبرضي ماناسيك
وكيف أنساكي وإنتي الروح ؟
بحبك وبفتخر بهواك
بريدك وباني ليكي صـروح
لأنك زولة ماااا هينه
عشقتك يازهر بيفوح
متيم بالجمال الفيك
ووصلته معاكي حد البوح
انتي الموية انتي الزاد
انتي غنـيوة مابتنعاد
انتي الفرحه في الأعياد
انتي سلالة الأحفاد
حبيبتي صباحا زاتو صبوح ..
 
ماتفتكري حأعيش من بعدك
وأنتي حياتي وعمري الفضل
وماتتمادي وتقسي عليا
أمشي أكوس في دربك واسأل
أبقي حنينة آ ستو معايا
أنا لي غيبتك مابستحمل
أنا عن نفسي بحبك جـداً
وفي الأشـواق ترتيبي الأول
وضد البنت القاسية في شوقا
وديمة بفتش كايس الحل
وكل ما أشتاق لي حضنك انتي
أمشي وافتش تاني الحل
وأبكي شديد لاامن إتبهدل
 
ستو خلاصة الرحمة الفينـا
ستو الرحمة الجات علي طول
ستو غمامه حزينة وحايمه
كايسه دريب شـان تبقي نزول
ستو حياتنا وأحلي بشاره
أنا حابيها ومامسـؤوول
لو الدنيا تجوط بأشواقي
أو يتهدم حرف القول
لو تتكسر فينا الغنوة
وتاني تمووت الكلمه الحلوة
وللأوجاع مانلقي حلول
أنا مسؤل عن ستو فقط
ونفسي أسوقا ونصل الشـط
ييده كلامي وماني بنط
ستو حروف وأنا ليها نقط
ودمعي عليها بيجري سيول

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   السبت نوفمبر 30, 2013 8:26 am

جريت وراكي جنس جري
لاااااامن رجولي إتشققت ..
وحفيت علي دربك سنين
وأحلامي فيك ما إتحققت ..
وآخر المطاف عيني بكن
شوفيها يـيدي إتورمت ..
وشعرته بالندم الشديد
ساعة الدروب إتغيرت ..
وودتني لي عالم غريب
فيهو العوارض قيلت ..
أنا أصلي من دون الخلوق
آلآمي ليا إتفصلت ..
وجواي بتهرد في حشاي
مشكوووره تب ماقـصرت ..

والناقصة بتتم كل يوم
حرقة ومواجع وإنكماش ..
في ظل وطن مليان هموم
بتجيـكا سااااكت وبي بلاش ..
وغير الشكية من البلد
جوة البيوت مافيـش نقاش ..
الناس خلاص عدموا النفس
مخنوووقة حد الإرتعاش ..
وكل الـدروب إتقفلت
والفاتحة بتجيب الطشاش ..

ونظام عجيب !
روتين وثابت كل صباح
إنك تموووت بالهم كمد ..
وتشيل هموم عيشتك براااك
في حضرة المدعو البلد ..
لاك أبن نافع ولا البشير
غلباااان وماكا ولد عُمد ..
تربال وحي علي الفـلاح
وربك برااااهو الليك سند ..
عايش كما الطيبين تراك
ومافي اليشيل الشيل معاك
ومستني من الله المدد ..

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الأحد ديسمبر 01, 2013 2:02 pm

معـقولة تزعلي مني إنتي
وشايلة في خاطرك كمان ؟
رغم إنك عارفه نفسك
إني بهواك من زمان ..
من قبل تشرق شموسك
وينمو في جواك حنان ..
وقبل ما العالم يشوفك
قمرة بتضوي المكان ..
في زمن فيهو البيخلص
يبقي عايش في هوان ..

ستو والأيام بتجري
والسنين تعبت معايا ..
والعمر زي التكنو
ليهو ما إنضبحت سماية ..
وحتي إسمي كتير بلومو
لمتو في شعري وغنايا ..
شان وليد مالايقه فيني
حقو إسمي يكون ( قضايـا )
ما البشيلو من المآسي
كان جبر ومو بي رضايا ..
وغصب عني أشوف مصايب
والمآسي تراها جاية ..

كم كتير بحتار وأقنب
أحسب العمر اللي فات ..
بلقي عمري خسر شبابو
ومن زمن تاريهو مات ..
مات يتيم يا ستو عارفو
وشلته فاتحتو من سكات ..
وإندفن دفنة عدوكي
في وطن عدمان جهات ..
ومآساة طلعت في وطنا
من زمن إنقاذو جات ..

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الأحد ديسمبر 01, 2013 2:37 pm

أكتب شنو ؟؟؟؟؟؟؟؟؟؟
مالاقي حاجه توصفك .. ؟
وحتي الحروف محنت عديل خجلانه زاته في حضرتك ...
يا جاي من شفق المغيب وفايت سماحتو ببسمتك ...

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الخميس ديسمبر 05, 2013 1:40 pm

سرسار كلام
بريدك رغم جرحك لي
وأحبك مهما تتناسي ..
وأحسك ساكنة في الوجدان
مكانك شهقة أنفاسي ..
وأعاهدك أبقي ليكي دليل
وأشيلك إنتي فوووق راسي ..
وأعطل فكري شان حبك
ويعاملك صدق إحساسي ..

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الإثنين ديسمبر 09, 2013 2:08 pm

شن بفيدك !!
من مشاعر ميتة جواك
ومن سنين ما قادره تطلع ..
ولما قلبك قل دقو
وحتي عينيك بادية تدمع ..
يوم فقدته حبيبة كانت
لي غناويك أحلي مطلع ..
زولة شقيش مارحلته
شان عينيها تعود وترجع ..
كان تريدك ريد حقيقـي
وياما جواك كان بتزرع ..
كل صفات في الدنيا حلوه
وكان تشوفك إنت مشرع !!

هسه لم حزنك عليكا
وشيل همومك يلا أرحل ..
فارق الأوطان وهاجر
وإقتنع بي واقعك أقبل ..
أصلك إنت ملااان عوارض
وفي عينيك بالهم مكحل ..
إتولدته تفيض مواجع
وكنته زول يومااتي تخجل ..
داسي همك جوة قلبك
وبالهموم راقد مكبل ..
في ركن مجدوع براكا
ومافي زول عنك بيسأل ..

ماتقول دي القسمة أدت
الله مابيقسملك آهه ..
إنت الإخترته وجعك
وكنت جد إنسـان دلاهه ..
إرتضيت والهم قبلتو
وقسمتك ماجات براها ..
القسم معروفه أصلا
خيرا جايي عقب وراها ..
وإنت خيرك وين مكـانو ؟
وين أراضيهو وزمانو ؟
يبقي فات قبال أوانو
وشالتو الأحزان معاها !!

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الخميس ديسمبر 26, 2013 1:36 pm

غالية وطلبك رخيص والله
تطلبي إنتي وأنا أديك ..
وما ببخل عليك بي حاجه
يكفي أنا زاتي منك وفيك ..
فضلة خيرك إنتي العندي
ياما سكنته في عينيـك ..
فكيف مادام سكنته عينيكي
أجي في الآخر أبخل ليـك ؟
بحبك يا خلاصه الناس
بريدك وبرضي مغرم بيك ..
ومهما ألقي من أحزان
بعود وأحضن أنامل إيديك ..
وبخلصلك مدي الأيام
عشانك بكتب أحلي كلام
ومن أنفاسي أشق واديك ..
كفاية علي أكون جمبك
وأمتع روحي بي خديك ..
وأعيش في الدنيا أسعد زول
علي حاضرك وجمال ماضيك ..
وأعاهدك بي وفاء وأخلاص
وأعمل كل ما يرضيك

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الخميس ديسمبر 26, 2013 1:44 pm

بريدك أكيد وبضمنلك
مساحة كبيره في جواي ..
مكانك في القلب والروح
وأزينبك قوافي غناي ..
وأشيلك في صحاي أشواق
وعز الليل مساهره معاي ..
وأحكيلك حكايتي معاك
وأغنيلك غنا الدوباي ..
بحبك حب ضمانو أكيد
وبحلفلك بأني وليد
فرحان بيكي ضمه سعيد
وغيرك ما أظني أريد
عشقتك ياقمر دنياي ..
وعاهدتك !
تكوني قريبه لي عيني
أشوفك جمبي كل صباح ..
أفارقك مستحيلة أكيد
بلا عينيكي وين في نجاح ؟
بدونك أكون بلا إحساس
مشحتف وقلبي كلو جراح ..
بحس دونك كانو الكـون
فقد لي بلبلو الصداح ..
بلد غيرك ولاها بلد
ومرفوع في وشيهــا سلاح ..
وبتذكر !!
زمان قت ليك
عيونك إنتي أحلي وطن ..
وطن نديهو كل الشوق
نغني عشانو أجمل فن ..
نسمعو من غنا العشاق
غناوي جميله ليها تمن ..
ولاها متل غناوي اليوم
غناوي اليوم مشبعه ظن ..
ملقطة مـن شوارع الهم
مسيخة بتفقد أي طعم
وممسوح في وشيها سكن ...

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الجمعة يناير 03, 2014 3:51 pm

قدر ماطفتي في الخاطر
ومرقتي من القلب خفقان ..
طلعتي ودغري فتي هناك
علي ذات نضمك المليان ..
حديثك يابنية الريف
حديث القعده والأخوان ..
وكت يبقي الكلام ممنوع
إذا ما كان حـديثنا الآن ..
بيـتكلم عن الإهات
وكيف بات الوطن عيان ..
من الجوع المرض وآلآمو
وفتور أجسادنا والغثيان !

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
بلسم

 عضو رائع
 عضو رائع
avatar

عدد المساهمات : 511
تاريخ التسجيل : 04/09/2011
الموقع : الخرطوم

مُساهمةموضوع: رد: استعجلي وخشي القليب   الأحد يناير 05, 2014 11:10 am

عندما أحببتك تمنيت لو مت قبل ان اراك مخافة الفراق،وعندما افترقنا مت الف مرة فصرت لا اخاف الموت ولكني اخاف الحب
الرجوع الى أعلى الصفحة اذهب الى الأسفل
بلسم

 عضو رائع
 عضو رائع
avatar

عدد المساهمات : 511
تاريخ التسجيل : 04/09/2011
الموقع : الخرطوم

مُساهمةموضوع: رد: استعجلي وخشي القليب   الأحد يناير 05, 2014 11:10 am

عندما أحببتك تمنيت لو مت قبل ان اراك مخافة الفراق،وعندما افترقنا مت الف مرة فصرت لا اخاف الموت ولكني اخاف الحب
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الأحد يناير 05, 2014 12:38 pm

دي زوله بتبني من الريد
بيوت مسقوفه بالرحمه ..
بنية بتدي حس للريح
إذا كان الوضع زحمه ..
كريمة أجواده زي النيل
كتير حسيـتا زي نسمه ..
تخش تهدي الطراوة بيوت
بيوت الفقرا والكتمه ..
بنية أصيلة بنت الريف
تقود بلدا كسيح وكفيف
بلد محروم من البسمه .

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الأحد يناير 05, 2014 12:41 pm

بلسم كتب:
عندما أحببتك تمنيت لو مت قبل ان اراك مخافة الفراق،وعندما افترقنا مت الف مرة فصرت لا اخاف الموت ولكني اخاف الحب
تعلمت من التجربة ان الخوف والحب كليهما عملات لوجهة واحدة
تسلمي بلسم - جد سعيد بمرورك

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الأحد يناير 05, 2014 12:42 pm

وطني البي اسمك كتبنا وطن

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الأحد يناير 12, 2014 10:13 am

راوياني ليه ؟
ماطالا حاتمـشي ووراك
من تاني بشعر بالعطش ؟
عارفاني من بعدك بضيع
يكفيني قلبي الإنخدش ..
والسكة غيرك طولا موت
وأنا فيها حتما حا أطش ..
يازولة حبيتك يقيـن
وزي البعرفك من سنين
فجيتي من قلبي الأنين
وبناي معاك وصل العرش ..
رايداني ليه ؟
ماكان تخشي حياتي شوق
وتمرقي من باب الحزن !!
كيف تستقلي أشواقي ليك
وتمليني بالأسي والغبن ..
أنا ياما شانك إرتضيت
عيشة البنادر والمدن ..
جوطة المطارات والضجيج
وغرف العمارات والسفن ..
ناكراني ليه ؟
وأنا أصلي معتاد الفراق
فاتوني يااااما أحباب كتار ..
لكن كمان إنتي البراك
الكنتي بالجد وماك هظار ..
أديتك الوفا بالكتير
رغم العوارض والغبار ..
وكتبتلك أحلي الحروف
رسلتهن ليك مــن بدار ..
ناكراني ليه وأنا بيك بكـون
فرحان وكاسيني النضار ..
ويوم كنتي إنتي وعود وريد
أنا كنتلك بحر إنتظار ..
ياجاية هسع تنكري
وللبينا ترفعي للستار !!


__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الأحد يناير 12, 2014 10:25 am

بصارع شان لقاكي زمن
وأحارب دربك المجهول ..
عقب شديت رحالي عليـك
وكيف ألقاكي ؟ مامعقول !!
كفاية الضقتو من ويلات
مواجع بالعرض والطول ..
أنا الكايـس مدن منفاكي
في وطن الهنا المكتول ..
أزتني بلادي بي وجعاتا
كم من زيي محروم زول !
كفـاية عليا أعتر فيك
وألاقيك يا السلبتي عقـول ..
أرافقك نمشي زاتنا بعيد
نضع لي زاتنا حد وفصول ..
أنا الموجعني إنتي وطن
ومافي وطن بخونو القول !!
فقولي إنك وطن لي شخصي
قولي إنك عشاني سهـول ..
أراضي وقايمة في جواي
تبشر بي نجاح محصول ..
ومحصولك إذا في نجاح
نجاحو يقابلو مني ذهـول ..
عشان جواي نمت شتلاتو
قبال ماتتم الحول .

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الإثنين يناير 27, 2014 3:30 pm

ماني إنسان يخاف الوجعه من غدر الحبيب والجور ..
ولا بعمل حساب لي روحي أصلاً إتخلقته صبور ..
حنين لامن مدفق ريده ملان إحساس وكلي شعور ..
بقولك ودي الحقيقه أظن لا كاذب ولا مغرور ..
 بس لكن وحات البينا ماشفتيني لما أثور ..
بركان وإتفجر والله لو كل المعاني تغور ..
شن فايدة حبيب يجهلني ؟
وأنا الضحيت عشانو دهور ..
يرحل يمشي يهجر عشي ياااما فارقتني طيور .

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الخميس مارس 27, 2014 2:58 pm

منو البقدر !!
يهز غصن الوفا الممنوع
عشان يسقط عليهو عشق ؟
ومنو اليصبر صبر أيوب
إذا ما قلبو شافو حرق ؟
منو الفي نومو جاهو منام
وعز أحلامو فجأة غرق ؟
وشاف الدنيا شايلة سحاب
وكل أشواقو شالعه برق !!

أنا البقدر ..
أعيش يا رايعة رغم الشوق
بعيد من دنيتك سنوات ..
علي أمل اللقا المعدوم
علي بلداً تلد آهات ..
وأصنع من جمال عينيك
وطن وأملاهو بالغنوات !
ومن شوقك أسوي بيوت
وأعمل بالفسيخ شربات !
وشن في إيدي غير أرجاكي
صابر وشايل الوجعات !
وراجي أشيل حمل عمرك
وأزيل من خدك الدمعات ..

ونبقي إتنين ..
يتلتنا الوفا البالجمله
والوطن المعبأ قصيد ..
ورابعنا الغنا الجوانا
والفرح الجديد في جديد ..
وخامس وصفك الدايراهو
فرحة ناس غشاها العيد ..
وسته أيام شغل يا رايعة
سابع أيامنا عطلة أكيد !
وياتامنة عجايب الدنيا
شوقك فيني ماشي يزيد ..
ملخبط حالي لو شفتيني
تحلفي إني ماني وليد !!

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الجمعة مارس 28, 2014 3:16 pm

أجمل حاجة ..
لما تلاقي أشواقك فاضت
وعمت روحك بي أركانا
وتبدأ تحس بالعالم جنه
وتبعت شوقك لي إنسانه
دست حبك في عينيها
وماخانت حاشاها أمانه
بت بتريدك وتخلص ليكا
رغم الدنيا المن حواليكا
دنيا قبيحة ملانة خيانه

أجمل حاجه ..
تلقي إنسانة تدسك فيها
وتضمن إنك لاقي سعادتك
وإنت معاها بتبدع أكتر
وبي أشواقا قوية إرادتك
بت تسقيك الحب بالكاس
وتحفر لي أشواقك ساس
شان ماتصبح عالية مكانتك
وإنت معاها سعيد ومسامح
لو في الدنيا أهانوا كرامتك

أجمل حاجة ..
لمن تصحي وتشعر إنك
لامهموم لا مالكك خوف
من آهات الوطن اليقنت
والوجعات الواقفه صفوف
ديمه نصيح متعافي وطييب
والأفراح جواك في الجوف
وماسك قلمك تكتب وتكتب
والأشعار راح تملا رفوف
ويوم ماتحب ! حب بي إحسانك
ويوم ماتفارق ! بالمعروف !!

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   الجمعة مارس 28, 2014 3:19 pm

الليل دخل ..
ورقراق ضليلك ضمة فات
قبال يوريني الحصل ..
قرر يفوت من غير وداع
وأنا بعدو شقاني الزعل ..
مابحمل الفرقة التكون
مصدر موات كل الأمل ..
أنا قلبي مابيحمل فراق
ليشن مطر سفرك هطل ؟
وسايباني للوطن الجريح
أطرش وسط زفة ومديح
زي التكني بلا أهل ..

وقدر الله ماخلق الحزن
سوالو في جواي سهول ..
حكم الله مافيهو إعتراض
وأنا فيهو عاد شن دار أقول ؟
وحنسته حزني عشان يفوت
حلفتو بالنبي والرسول ..
لكنو ماشال هم بكاي
وكان طبعو مابيرضيلو زول ..
كـان قاسي بيحب العناد
مهما دموعي جرن سيول ..

من قمته شبيت مابخاف
وللعيشة ماشايلي هم ..
ومهما دفعته أسي وهموم
ماني البقول دافعلي كم ..
في الدنيا همي أعيش سعيد
في حضرة الوطن الوهم ..
لكني كنت بخاف شديد
لو مره حسيت بي ندم ..
وشعرته قلبي عشان فراق
بالفرقة ينزف يووومي دم ..
وإتيقن إنو خلاص كمان
جواهو مافضضل عشم ..

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
avatar

عدد المساهمات : 4661
تاريخ التسجيل : 21/05/2011
الموقع : كريمة

مُساهمةموضوع: رد: استعجلي وخشي القليب   السبت مارس 29, 2014 6:26 am

الى روح الراحلين
مصطفي سيد احمد - حميد حسن سالم
ديل إتنين فهموها وبدري
فاتو وسابو الدنيا عذاب ..
وخلو الوطن الطلعت روحو
وطن العزه المابيتعاب ..
وكانوا إتنين بيهزو العالم
فاتوا وخلو حياتنا خراب ..
وقنعانين من خيرا فينا
ومن بلدا حكامو كلاب ..
وشن فايدة وطنا يطردنا
ويملأ قلوبنا غياب في غياب ؟

ديل عرفوها وسابو الدنيا
وتركوا نعيما إن فيها نعيم ..
وياتو نعيم في الوطن اليقلع
وماساب لينا فرد مليم ؟
وطن ينهب ويسلب فينا
وماحسسنا بأنو رحيم ..
وكل وطن في الكون الواسع
شعبو سعادتو حدودا الغيم ..
إلآ وطنا ده حالو براهو
لا إتثقف لا شاف تعليم !

أنا عن نفسي كرهته العيشه
في ها الوطن الطبعو أناني ..
وطنا يدي العسكر خيرو
وشعبو يقضي حياتو يعاني ..
الكادحين في هادي البلده
قدر الوجع الهده كياني ..
والقاعدين في سكك الشارع
ديلا طلبتك يا سوداني ..
ناس من أولي تذاكر وتتعب
وبعد الجامعه تشيل هم تاني ..
هم الخوف من باكر وويلو
بطاله عطاله ومافي أماني ..

ورغم الواقع الهسة ذكرتو
الإنقاذ بتتم الباقي ..
وطنا كان واسع ممتدي
وخيرو يدففق في أعماقي ..
وحتي الأرض الرغم وساعا
كانت تفرح بي أشواقي ..
وهسه خلاص الوطن إتعري
وما أظن يسترو يوم عراقي !
ومابستغرب يوم ما أسمع
زول بيبيع الوطن الهسع
ويرجي كمان يدوهو الباقي ..!

__________________________________


بعيد عن عيني لكنك دوام في البال
ح تفضل غالي مهما ذاد غيابك وطال
الرجوع الى أعلى الصفحة اذهب الى الأسفل
 
استعجلي وخشي القليب
استعرض الموضوع السابق استعرض الموضوع التالي الرجوع الى أعلى الصفحة 
صفحة 6 من اصل 7انتقل الى الصفحة : الصفحة السابقة  1, 2, 3, 4, 5, 6, 7  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
 :: القسم العام :: منتدى الخواطر و الشعر-
انتقل الى: