رايكم شنو في النكته دي

قالوا واحد عمك تعبان ويشتكى من بطنه طوالى، وخايف ما داير يمشى المستشفى نهائى ... لمن خلاص إتهرت معدته من المحريب والقرنجان والنعناع والبقدونس وكل أنوع المغليات والمسفوفات، أبنه بى جاى وجاى قدر يقنعوا يمشى يعمل mri أم آر أى ... "كشف ساكت يا أبوى بس لمجرد الأطمئنان" .
عمك سأل الدكتور سؤال نكير قبال ما يوافق على الـ أم آر أى:
- أكيد ما فيهو حقن أو أى نوع من الطعين؟
+ والله يا عم مافيهو أى هبشه زاتو
- وهو بكشف على شنو ده؟
+ كل الجهاز الباطنى يورينا بالصورة لو فى حاجة ما طبيعية عامله ليك التعب ده
- طيب بشتغل كيف؟
+ إنت بس تقلع هدومك وتدخل فى الجهاز وهو بيمررك براهو لغاية ماتمرق من الناحية التانية بدون ما تحس بأى حاجة، خليك ريلاكس خالس حتى الأنوار البتكون فوقك دى ماتشتغل بيها خالص.
- بياخد قدر شنو الكلام ده؟
+ يعنى، قول دقيقتين بالكتير وممكن أسرع كمان
- والله الكلام ده مطمئن، بس النتيجة بتطلع بعد كم؟
+ طوالى ومباشرة، ما أنا بكون شايف الحاصل من الغرفة الداخلية.
- خلاص بالله أعملوا لى ال مراآى بتاعكم ده وخلصونى والله يجيب العواقب سليمة.
ساقتو السستر وفى الممر وقفت طلبت الأسنسير وأول ماوصل دخلو وداست الطابق الخامس مكان الجهاز، وفى نفس اللحظة جاها تلفون من الجكس بتاعها، السستر جفلت طالعة من الأسنسير عشان التلفون ما يقطع من الجكس الأصلو متحيل وداير ليهو سبب يزوغ من زنقة العرس، والأسنسير قفل... عمك فجأة لقى نفسو براهو وأفتكر أنه ده هو زاتو جهار المراآى .. "بالله شوف الممرضة الغبيانه دى نست تقول لى أقلع هدومك" ... وقوم يا عمنا جيطك جيطك قلع هدومك كلها فى الأسنسير وأقيف عديل بس عاين ساكت للأنوار أثناء الجهاز متحرك براهوا ... تنفيذ مثالى لتعليمات الدكتور والموضوع ماشى آخر حلاوة ...
فتح الأسنسير فى الدور الخامس: وهاك يا صرخة من الممرضات الراجيات الأسنسير بالناحية التانية: ووب عليييينا ووب ووب ووب
عمك صرخ بأعلى صوته:
-
"بس أوعكن تقولن لى طلع كالنسر..."

كردي بدون مبالغة نكتة جد مضحكة
ياسلام شوف الناس دى سازجة لدرجة شنو
تسلم يارائع دايرين نكت كتييييييرة

نور العيون كتب:: كردي بدون مبالغة نكتة جد مضحكة
ياسلام شوف الناس دى سازجة لدرجة شنو
تسلم يارائع دايرين نكت كتييييييرة

تسلم يا نور
ونتمني انك دايما تكوني سعيدة

مرورك اسعدني

قديمة ياكردي شوف غيرا

قديمة مالوا يا حركة

مع السوق اليومين دي

النكته دي شكل ما جايبا حقها

المشرف العام احذف المشاركة

حركة تابع الحذف

نور مرورك رائع

ياكردي كيف الكلام دة نحن قاعدين
وراجين باقي النكت يعنى ماكفاية...

عشان نور المدير قال مايحزف
خلها شوية بعد يومين تلقاة نزلة اخر المشاركات

نور العيون كتب:: ياكردي كيف الكلام دة نحن قاعدين
وراجين باقي النكت يعنى ماكفاية...

عشان عين نكرم الف عين

كفاية ونص و5

طلت حروفك بس كفا

عبدالعظيم الطيب كتب:: عشان نور المدير قال مايحزف
خلها شوية بعد يومين تلقاة نزلة اخر المشاركات

شكرا السيد المدير علي المتابعة

والما عندو نور يكوسلو ضو

» قلنا ندخل الحلومر مع طبق اليوم رايكم شنو