ام الحسن بت مُحمد ترد على بت الفائقى ..

مجادعة بين

حبوبتنا ام الحسن بت مُحمد حبيب الله

وجارتها العزيزة الحاجة آمنة بت الفائقى

العقدة – عرب أونلاين:
مقدمة:تسكن الحاجتان جوار بعضهما وصديقتان حميمتان وكان للحاج محمد علىحبيب الله كنتين صغير (نظام تاجر فى الحلةوكده) فى بيت عبدالله ابن عوف اليوم. يبيع فيه مستلزمات الاسر الغذائية فى ذلك الزمان؟؟
ثم حدث ذلك"
بت الفائقى قالت:
تاجر العقدى ما همانا   جابلنا ودعكر غمانا
نحنا طلبن اب ورقة مانا زوارة
ومانا عرب بُكار هوارة.
(وتقصد ان هذا النوع ردى وسى من الشاى وكانت تمنى النفس بنوع جيد)
ردت ام الحسن بت مُحمد:
بت الفائقى شقة غريبة
سمحة تجارتو بى ترتيبة
بضاعة المصرى غالى يجيبة
بت الفائقى ما كان ظن
تاجر العقدى ما بينضم
ده وكت الناس يضلو لزم
يا فتيل الزعفران للشم
...
بت الفائقى تاجر العقدى ما التاجر البلومو
ده البجيب الغالى ساعة الناس يدسو
سمح شاى ود عكر لى اهلو البعرفو
ياهو بس شاى الملوك ساعة يطلبو.
......
(طبعاً هذا التاجر ابن عمها لزم .. وقد حاولت تشكره وكل بطاعتة وترفع من قدره)
حواشى:
ام الحسن = حبوبتنا والدة ابوغرة والمرحوم مختار والمرحومة حرم الامين.                                                                      ومنزلها بيت عمنا مختار اليوم.
بت الفائقى = الحاجة آمنة من نساء نورى وكانت تملك المنزل الذى يسكنه ابن عمى محمد مختار اليوم
محمدعلى = والد على وخالد محمد على واخواتهما.
ود عكر    = نوع من الشاى فى ذاك الزمان
اب ورقة = نوع اخر اظنة كان ارقى شوية.
يقال ان هذا الحوار دار فى القوز وكله ... لطف واُنس ومسامحه وشفافية ودُعابة!!
ونقول : يا له من زمان ويا لهم من خلان. وتحية وسلام.

اقتباس :: بت الفائقى تاجر العقدى ما التاجر البلومو
ده البجيب الغالى ساعة الناس يدسو
سمح شاى ود عكر لى اهلو البعرفو
ياهو بس شاى الملوك ساعة يطلبو.

كلام جميل يا خال دا تراث نحنه فاقدنو وياريت تدينا منو زياده
ياريت لو في (قصيدة نحنه انصار المنعنع في اكوابو)

تشكر عثمان اب جنفة على المداخلة فى المجادعة بتاعت حبوباتك
وكمان إقتباسك ظرييف وخترى فيه حركة زول كيييف شاى.
تجدنى اسف لا املك ما طلبت !
وياريت تجتهد وتلحقنا بيها والمهم قصتة الشاى المنعنع قبل القصيد
راجع ابوك احمد ابراهيم
واظن محمد بشير يحتفظ بهذها لقصيد
شد حيلك
مع التحايا للاسر وابوك كييف
ننتظرك بلهفه

يا سلااااااام حاجة جميلة خالص
الله يرحمهم جميعا وفعلا نريد المزيد من روائع تلك الحبوبات لانو على حد علمى انهم كانوا
ذات نكات وحكم وطرائف
شكرا ع الله ونرجو ان تذكر وتتذكر لنا المزيد من تلك الحاجات الجميلة.

ابوعبدا

محمد عبد الوهاب كتب:: ابوعبدا

زعلانين منك شديد
ناس مريومة ختوك فى B.L
داير مجهود كبير عشان تستعيد أراضيك
طولت شديد و لومك الجبال مابشيلو

شكراً ام مريم على المداخلة الحلوة

ربنا يقدرنا على المواصلة والمداومة ...
دايريين مساعدة..
منة الله ... كييف
تسلمو

الزول ..منو .. وهبة ؟
يا سلاااااااااااااااااااام ... حمدلى سلااامى
بركة الجيت ... جابتك سيرة جدك (ود حاج موسى)
شكلو جدك دة من زمااااااان تاجر ، قبل يقايل امك زينب ؟؟
كسرة:
كلام المدير ده سيف فوق الرؤوس ... عاد شد حيلك
واصل معانا وجيب العقاب ..ناس مريوما بيطلعوك من القائمة السوداء
نتمنى استدامة حضورك واخرييين
تسلم ... وكشكش الاصلى فى هذا المجال

يامدير سلام مالك طولت الغياب ... واصلت الى اسمراء والله الحكاية شنو؟

شكلو وهبة كده كتم صوت واندهش ؟ وقال ابوعبدا ... غلبو يزيد

لكن نتوقع سيل من المشاركات.
خبر ابوالبنات شنو ؟
نتواصل

يا ناس الحكايى شنو ؟؟
يا مدير
ابوعبدا ؟؟ وزوغة ده كلام دة ؟؟

هوووى يا وهبة بلاك لست

ىاسلاااااااااااااااااااااااااااااام ياصمد النتدي مافي تاني كلام يتقال بعد دا .واللة شبعتنا من الكلام الطاعم دا .اللة يرحم جميعا .تسلم ياابوعابدااااااااااااااااااااا

يا ولااا يا هُش !
ابقو عشرة ونواصل اذا فى تشجيع ومساعدات

اخيير نتلم

شوف وهبة ده قاعد يطير يمشى ويين ؟
والعقاب وينو

ياخوانا تعالو جاى.. نشوف الحكاية دى .

سلام للجميع .
ملف:
انت خط عطبر الحفرة كييف؟ تحياتى له

تسلم يا عبدالله علي السرد الجميل يجب ان يتم توثيق هذا الارث واعتقد ان هذه احدي اسباب قيام المنتدي
ونعتزر مره تانيه علي الغياب

اوريك وهبه قاعد يمشي وين قاد يمشي الاس........

برضو الاس ...........
يابوراى

ده كلام عاد ده حديث
طيب ده علاقتو شنو بى كشف السكر؟؟
ويمكن كشف النظر
او الا........

عقو وعافية يا شباب ... وناس الجقب كييق

سلام ى ناس فايقين ولا نيقى قادين

هوووى يالخرج
ابن حالى العزيز
ويينك ... والهرووب شنو
حتى التلفون كتر عليك ...... عييب ؟
كل سنة وانت طيب

نحن مااا فايقيين ... واوعك من قادييين
انت واصل يا خرج ......
سلام والقصييم كييف؟؟

يا هوووووووووى
ياجماعة
ياريشس
بت الفائقى دى الله يرحمها عندها غناء للمصنع
الروؤس عندما ادخلت المياه عبر المواسير ( الحنفيات الى البلد ام نيم )
وقد كان ذلك باكراً اظن اواخر ستينيات القر نالماضى او اوائل السبعينات

نرجو ونتمنى المراجعة للتوثيق والافاده............._|( خاصة الاغنية)
وبداياتها:
نحمد الله الجابلنا الرووس