غرد الدهاده ؟

سلام اهلي الحنان نعلكم طيبين .طبعا ياحباني العبارة دي غرد الدهاده دي مايعرفه الا زول تربية حبوبات متلي كدي وطبعا اماتنا زمان وكت تكون عاوزه تتخارج منك طالع مشوار ولاعنده سر مع جارتا وانتي قاعدلهم في خشمن تقوم امك تقولك امشي لي آمني جارتنا قولها امي قالتلك اديني غرد الدهاده وانتا فت فت تقوم جاري وطبعا الجاره تفهم المرسال تقوم تدهديك فيك لمن امك تقضي غرده .اهه ياحبان البيعرف غرد الدهاده وعندو معاه زكريات يجي يقولا لينا هني .

هندسة اولا ياخي بركة الجمعتة واللة شوق قيساب . ياخي اشكرك كتير علي الاضافات الطاعمي دا وذي ماقلته الدهادي دي انواع كتيرة وبتتقال حسب نوع الموضوع ولايقه الشافع ذي شفع الزمن ديل الواحد يحدده معاك للاخر ويرسلك انتا لي الدهاده .تخريمة: قطف جد؟؟

السلام عليكم ورحمه الله وبركاته امنتا يا هشام انك تربيه حبوبات من غرد الدهاده وياريت لو بنحكى طوالى كده كلام حبوبات جميل تسلم يا هشام

اميرة اشكرك كتير علي مرورك الانيق . وانشاء اللة قدر ماالزول يتزكرلو شي من نضم حبوباتنا زمان نجي نعكسة بي هني بس اللة يجيب الروقه قولي يامسهل

مشكور هشام على المواضيع الجميلة
واصل فى كلام الحبوبات

تخريمة: انت من زمن غرد الدهاده
شكلك كنت معزب حبوبتك

ياسلام ياهشام دايما مواضيعك شيقة وكتر منها
وغرد الدهادة كتير مثلا يقولو ليك امشي لفلانة جارتنا خليها تديك حلاوة سمحة اكلة برااااك
وهنا تفهم الجارة بانها دههدة وتقوم بالدهده واعطاءك بعض الحلوي واللعب معك بعض الوقت
وهنا الام تكون اقضت حاجتها يالها من ذكريات جميلة هشام
تسلم كتير علي مواضيعك الجميلة وخليك واصل...

احمد حسن نوارة اشكركم كتير علي مروركم الانيق تسلمو كتير وانشاء اللة نكون عند حسن ظنكم فينا ولكم ودي.

يالها من زكريات ؟؟؟؟

يازول جميل مهما يغيب تلقاهو بين الناس حضور .ابوعابده ياعملات وهبه كيفنك .الشي جابتلها مليون جنيه كمان !! والله المنتدي زاتو بقي غرد دهاده في رقبتو !!الحكاي دي شني