ياحريم عاوزلنا مديدي

انتو يانسوان المنتدي شنو مادننا الجوع كدي دا الحكاية ماله طولت كدي البرد دا بيدور الرشد انشاء اللة شعيري ياعاملات آبراي. واللة ياحلليك يانور العيون. هسع شدن حيلكن سولنا المديدي دي ياام مريم الحكاية شني

اهلا بيك يا هشام
معليش شكلو كده اتاخرنا عليكم كثير
لكن ما تزعل المديده
والحاجات الحلوة فى الطريق

يا ام مريم الحكاية شني نعاين والبحر صافي انشاء الله عافية.تخريمة: الغاز قاطع ولاشنو

يا هشام انت ما عندك خبر ازمة الغاز دى ولا شنو
لكن بالرغم من دا اجتهدنا بس اديها صنه

ان بقيت راجيلك مديده صباحك اصبح
لانو المديده لسع مانزلة في الكتب
وانتا داير ياتو مديدة
حلبة
دخن
باكمبة
ام جنق
بلح
وحاجات تانية حامياني
الرد بعد تحديد الطلب

اه ام مريم الخيارات بقت كتيرة شوفي التريحك انشاء اللة بي الهيتر تراه الكهرباء راقدي حركة شايفك مزاكر كويس .تخريمة : ولا نحول الطلب لي حكومة حركة

شوف ياهشام
حكومتنا مابتعرف زي الكلام ده
نحنا ناس فسيخ ومش ومكرونة بالبشمل يعني حاجات ناعمة
انتظرونا في رمضان
بكرة احلي

اه ياحريم البرد جانا بي وليداته ومانبقي بلا المديدي دي اه شدن حيلكن .تخريمة:ياحليلك يااميرة بت عاشة طلقتينا لي قش الواطه ده يلعبنا ساكت ؟ يجدعلنا الورتابي دي وخلاص

هشام المديدي تسمن والناس إتثقفت وشغالة رجيم ورشاقة(إنت ضعفت والله شنو؟)

سلام يا ناس هشام وشجون وحركة
شفتا يا هشام حركة جابا من الاخر قال ما بيعرفو ذى دا لكن قول ليهو سووا البريحكم
بس ورينا الهمة.
ويا شجون مرة مرة ما بطالة كورية واحدة ما بتسوى حاجة
انتظر يا هشام علشان نجيب السمنة البلدى علشان تكون حاجة كدة.......

سلام ام مريم حركة دا خليهو لي المكسرات والكريم دريم ساكت .هسع السعيتي شفنلنا المديدي دي ولانقوم نكوس درب النفسات .تخريمة: مديده في الماعون ولاسلطة شجون؟؟

انت أحسن لك سلطتي لكن مديدة بالسمن انت تضرك£

ىاام مريم الحكاية شني نعاين والبحر صافي المديدي وينه وتبنا عديل كدا ولانجيب ليك التعليمات من الشركة ؟؟؟؟

ياهشام سيب المديدة وخبر المديدة
تعال افطر معانا عندنا قسيخ كارب معاهو عيش حاررر
من يد امك سكينة

اها يا هشام عندك خيارين
المديدة والفسيخ
المناسب معاك شنو ’لكن يبقالى نفسك فى المديييييييييييييييييدة

تحليه سودانيه 100% مديدة البلح



كيلو بلح جيد 5 أكواب ماء قليل من السكر للتحلية ملعقة كبيرة دقيق أو كورن فلاور قرفة أو روح ورد فول سوداني مهروس ملعقتين من السمن أو الزيت


يغسل البلح ويكسر وينزع منه النوى يوضع في حلة ومعه الماء ويحلى بالسكر ويرفع على نار هادئة’ يترك ليغلي حتى ينضج وينهري ثم يرفع من النار يهرس بالمصفاة أو المفراكة حتى ينعم تماما ويضاف إليه قليل من الماء ليصير سائلا خفيفا نوعا ثم تضاف القرفة أو الروح ويرفع على النار حتى يغلى يذاب الدقيق في قليل من الماء إلى خليط البلح ويقلب بشدة حتى يغلظ القوام ويتماسك مع بعض ثم يترك يغلي حتى ينضج الدقيق تغرف في الصحن وترش بقليل من السمن وتجمل بالفول المبشور وتقدم ساخنة أو باردة ملحوظة : يمكن إضافة قليل من بيكربونات الصوديوم لتساعد في خفتها ونعومتها سريعا

مديدة الحلبة


ملعقة كبيرة سمن ملعقتان كبيرتان حلبة مطحونة كوب ونصف من اللبن الحليب كوب ونصف ماء ملعقتين من الكسترد أو الأرز المطحون ناعما سكر للتحلية


يقدح السمن و تشوح فيه الحلبة حتى تصفر قليلا ثم يضاف الماء إليها قليلا قليلا مع التقليب وبعد الغليان يضاف اللبن المغلي يذوب الكسترد أو الأرز الناعم بقليل من الماء البارد ، ثم يضاف إلى الخليط مع التقليب حتى يغلظ قوامه ويحلى بالسكر ويترك يغلي حتى ينضج الكسترد تغرف في كورة كبيرة أو صغيرة ويرش بالسمسم المحمص

وبالهناء ياهشام..

عفوا هشام الصور للمديدة ما نزلت
لمشكلة فى الجهاز
علشان بالصورة حاجة ما تخلص

تسلم الايادي ام مريم ماعدمناك كده يارب واللة رشتينا رشد جد فى البرد دا تسسسسسسسسسسسسسسسلممممممممممممممييي

البرد كرس ولا شنو يا هشام
ما عاوز مديدة ولا نشا

ياحليل زمن المدايد والحلويات والتورتات .؟هسع بالله تجي داخل المطبخ ورتابيه ماتلقاها ؟قبلكن وحدكن ياحريم ادوكن عين

ياسلام زكريات جميله .بالله المنتدي بقي توب حايم فيهو مافي ولاحتي طرحه !!