عمك تنقو بتاع الفته

عمك تنقو راجل فلته
قرر يعمل محل للفته
جاب تصديقو وظبط الحته
وقال للعازه سوي الشطه
**
فول مظبوط بالطعميه
وجبنه وسلطه معاهو هديه
إتلمو الناس شويه شويه
وعمك يلقط ميه الميه
**
عمك قاعد في الكاشير
عامل فيها الزول مدير
لامي الكاش بدون تفكير
وقال للعازه إشتغلي نفير
**
زعلت منو وختته ليهو
وقالت الصحه حتوريهو
كبي الشطه وجوطي الحته
وعمك قاعد ماهاميهو
**
بلغو فيهو الناس ياخساره
وعمك مجدوع جوه الطاره
بكت العازه عليو بحراره
وقالت حليل زول الحاره
**
جاتو العازه شايله كتير
وجايبه معاها محامي كبير
قالت ليهو الوضع خطير
ياسجنوك ياراسك يطير
**
عمك زغلل ومدا جضومو
وصحح وقام مخلوع من نومو

اميرة والله رجعتينا للايام الخوالي
وخليتينا نعيد الذكريات
تسلمى...

شكرا نور على مرورك الجميل

اميرة بجد رجعتينا لي الايام الخوالي عمك تنقو ومجلة الصبيان ياسلالالام واللة شهيتنا الفتة اهه انا من دربي دا علي الفنجان طوالي .تخريمة: اتفضلي فتة .

بالهناء والشفاء ليك با لله عليك لمن تأكل الفته اتزكرنا معاكّــ
*هشام*مشكور عــــــــــــ{المرور}ــــلى

عمك تنقو بقي خياط_يقص ويفصل للستات _جاتو مره تسمي الزينه وقال والله دي فرصه ثمينه_جابت ليهو قماش ترقال وطلبت ماكس يسر البال_تنقو الديمه هبيل وعوير فصل ليها شورت قصير_حصلت شكله اتلمو الناس وعمك قال التوبه خلاص_

في حته ظريفه بعد فصل الشورت شال باقي القماش اداهو العازه وقال للزينه قماشك كشا