استعجلي وخشي القليب

بتنفسك في الضيق شهيق يا أحلي من طعم التمر
يامالية قلبي حروف يقين من الصباح واليوم يمر
نشوان بكون في حضرتك وإتهنأ بيك طول العمر
يابت رقيقه كما الزهور نديانة والحال فيك يسر
ما أجملك والله جد لمن خطاكي تجيني من بعد العصر
وعند المغيرب توصلي تلقيني مت من الصبر
صبري العليك ماصابرو زول صبر السيوف في يوم بدر
أصحابه شادين القتال دايرين من المولي الأجر
تسمع صليلا وري الجبال تحلف تقول يا الله كر
إستعجلي وخشي القليب أناحالي دونك أصلو مر
مافيهو حتي طعم حياة ومن غير عيونك مابيسر .

تعالي نفج شوارع الريد ونخش أنا وإنتي والأشواق
تعالي شموس تجود بالضو تطل لي قلبي بالرقراق
تعالي عشم تعالي وضوح تعالي علي حبيب مشتاق
كل مناهو يفرح بيك يقابلك بي أحره عناق
ويبدأ معاكي قصة ريد يصل آخر الطريق الشاق
بعد ماهده حيلو سنين تعب بالمشية والساساق
جروحو الفيهو مابية تطيب وتنزف والدمع حراق
أحبك زي عشق بلدي غرام بالجد حروفو دقاق
وماتهتمي بالأيام وجع بيفوت تجيكي الفرحه تدخل ماتخلي نطاق
نشيل وجع الوطن بالجد .. نحقق برضو حلم الغد
تعابه غلابه فايته الحد .. وإنتي معايا مابندم
ولابتلقيني غير مشتاق .....

فتشته ليك بلاد بلاد .. ومدن ومدن
لكن لقيتك قاعده جواي
مرتاحه من حر الهجير
غدر الزمن يا جارية في شريان دماي
مابتندمي ماطالا مسكنك القليب
ياروحي إنتي ونور دجاي
إتمدي شوق .. إستوطني وشيلي التعب ياروح غناي
وأنا كلي ليك .. إتجيهي ورشي العطور ياكل ماملكت يداي
جاييكي أنا .. لو يبقي مشوارنا الضياع والسكه أبعد من خطاي

متوقعك تجي زي خريف وتلطفي الجو والمكان ...
ينزل رزازك بالفرح يامعجزة آخر الزمان ...
وأنا زي جمالك ما رأيت لا شفته زي حنك حنان ...
سبحان من خلق العيون سواكي زي حور الجنان ...
وأبدع عديل في وجنتيك يا أحلي مانطق اللسان

البت دي بتودي وتجيب
لا دايره تستحمل معاي
لا قادره تبقي بلا حبيب
البت لو صبرت معاي
يمكن جروح الناس تطيب
البت دي ترفض وتستجيب
وأنا بي مزاج فاتحلها التحنان بحر
عايمه ومراقبا من قريب
لكنها تودي تودي وتجيب
مرات بترطن بالغرام
ومرات بتنعل أبو القليب
وفي خاطري تتحرك كتير
حوامه والخاطر رهيف
بتقده يابت الحلال
وإياكي ظنك يوم يظن
أنا خاطري عن خاطرك يغيب
البت دي لو شرقت عليك
تملأ المفاصل إرتياح
البت دي لو كذبت عليك
تلقاهو كلو كلاما صاح
تمشي وكأنها لحظة ضو
واقع من أكتاف الصباح

وبقينا بين نارين أنا ولا زلت خايف موعدك ؛؛؛
بين نار أحبك وأفقدا وجمرة أحبها وأفقدك ؛؛؛
ومحتار شديد وإنتي البتبكي ومنتظره أمسح دمعتك ؛؛؛
وأنا مانسيت يا السمحه يوم أو ثانية لحظة طلتك ؛؛؛
لكن كمان إنتي المشيتي براكي أظن وإخترتي سكة دنيتك ؛؛؛
وأنا برضي حبيت من جديد ماكتفتني حبال عيونك وقسـوتك ؛؛؛
إنتي المشيتي مشيتي ليه ؟ وأنا برضي تاني البسألك ؛؛؛

وجاياني ليه بعد إنتهي البيناتنا وإتختمت نهاية قصتك ؟
جاياني راجعه بتبكي ليه ؟
وشن داير أسوي برجعتك ؛؛؟
أنسيني عيشي بعيد هناك
وأنا بي حروفي بودعك

عيشي زي مادايره جواي
أخدي راحتك وماعليكي
مابمل في لحظة منك
وباني كل آمالي فيكي
وحتي دنياي تبقي دونك
ماشه ساكت وتشتهيكي
في طشيش زمن الشتاره
حا أظل حاضن يديكي
ومابسيبك مهما يبـقي
ياني منك ومني ليكي
ولما تنساني العوارض
تبقي سكة وأبدأ بيكي
وتبقي آخر السـكه إنتي
ومن بعيد ألمح وشيكي

حبيبنا كردي ملك القوافي مافي كلام بجد ابدعت في هذه المفردات الساحرة والعميقة في معناها .تسلم ياحبيب وفي انتظار المزيد .تخريمة: فرسان في الميدان ؟؟؟

مشكور اخي كردي،

هشام عبدالرحمن كتب:: حبيبنا كردي ملك القوافي مافي كلام بجد ابدعت في هذه المفردات الساحرة والعميقة في معناها .تسلم ياحبيب وفي انتظار المزيد .تخريمة: فرسان في الميدان ؟؟؟

[i]

كلو منك ومن عيونك
هشام قربت

بلسم كتب:: استعجل امرق من جواي!
مني من تالا القليب
‏ ماخلاص خارت قواي!
شوفي صبح طشاس من دموع سكبتها لحظة
فراقك يامناي!
ساسق عليك وإنت ماهماك حفاي!
دموعي سالت زي سيول وإنت ماهماك عماي!
أرضيتك إنت يامالكنو ماهاميك رضاي!
عارف إنو قلبك مامعاي..
وانه مابكون في يوم حداي..
والدليل انابس مشيت سرعةحبيت بي وراي..

بجيكي ر اجع بي مهلة وارد عليكي

ليكي بقول يابت ياواضحه نهار بين بين...
عارفك أصيله وزيك مافي الله يكافي الناس والعين
وأنا جاييكي وكلي مشاعر ومشتاق ليكي وكلي يقين ...
مابتربطي مع زول غيري ومابتسوي الفعل الشين .

إبداع بلا شك ..

الدريب مشتول ازاهر

تسلم كردى على الكلام الجميل الرائع يامبدع مشكور

ما اجمل ان تجول في حديقةشاعر وتلفت إنتباهك بعض الزهرات فتفتكر إنها اليك أنت فقط في حين إنها لم تزرع لك فهذا يدل علي مدي ابداع الشاعر..
كردي مشكور فأنا أري من تستحق الشكر ملهمتك التي تنتظرها عصرا وبعد المغيت وجعلتك تفتح لهادواخلك براحات..‏‎ ‎

مرت الساعات وهي مشتاقة إليك ..

مرت الأيام وهي تسألني عنك ..

ومرت الشهور وهي تعاتبني فيك ..

ومرت السنوات وأنا طال إنتظاري ..

إبداع..

سلام ياست عيون بتضوي شمعات بالنهار والليل ...
سلام ياصابره بتعاني وصبرك شايلا من النيل ...
مشاركاني الألم والوجعه وقاسمه معايا حتي الويل ...

وواقفه معايا وقفة زول أصيل في طبعو ضمه جميل ...
بنية من الغمام جاية مطيره ونازله زي السيل ...
حبيبه ولا بتشبه زول وماسكه السكه ماشي عديل ...
وماهميها قول الناس ولا الدرب المعايا طويل ...
بنية كما النخيل والله باقية ليا زي منديل ...
وتمسحي في الحزن جوايا حزنا" مافي ليهو مثيل

... وكل منايا أسعد بيكي وأبقالك جمال الشيل

انابشكرك علي كل حال
انابشكرك علي كل حال..

اتوضأ بيك ... وأرجاكي يا أم المسيح مريم بلادي المابتخون ...
يا الديمه فاردالي الحضن والعشره عندك مابتهون
مالية الشرايين بالغرام والحاله أفضل ماتكون
مداني في الدنيا الصدق .. معني الوفا وطعم الشجون
بتمطقك في حلقي ريد مالياني لي حد الجنون
إتوضأ بيك وإتوجه القبله ومعاك أبدأ الصلاة بالكافرون
وإتسبحك وأمسك أناملك للعدد سبحان من خلق العيون

سبحان من سواكي لي قبله وأرض
والتضحيات علشان عيونك ديل فرض متعه وفنون

no comment

لاتعليق ياسادة

محمد عبد الوهاب كتب:: لاتعليق ياسادة

انا لي زمن راجيك تطل
تجي تقول
no comment

منتظر تعليقك

تبدع وانت تكتب.
وانابرضي حبيت من جديد ماكتفتني حبال عيونك وقسوتك..
ولكن تسأل مشيتي ليه؟

مشيتي ليه :
عندها كتبت اسمي وميلادي
وعبرت بوابة الدخول
جلست علي حافة الغد الاتي طويلا
في سواد الليل وبحار الضياع

حيرتنا ياكردي تتغزل أحيانا وتعاتب أحيانا ..لكن تسأل مشيتي ليه؟وتحب ثانية" ده غريب ياكردي

شجون كتب:: حيرتنا ياكردي تتغزل أحيانا وتعاتب أحيانا ..لكن تسأل مشيتي ليه؟وتحب ثانية" ده غريب ياكردي

شجون عودا حميدا
دوام الحال محال
لذا يتغير الاحساس بتغير مكمن الاحاسيس
لذا فان الغزل مره يتبعه العتاب احيانا
دمتي بود

أكتب شنو ؟؟؟؟؟؟؟؟؟؟
مالاقي حاجه توصفك .. ؟
وحتي الحروف محنت عديل خجلانه زاته في حضرتك ...
يا أحلي من شفق المغيب وكتين أقارنو ببسمتك ...
مابيني مابينك خريف وفصول ربيع في جنتك ...
بيناتنا نحنا المستحيل بيناتنا ريدي وقصتك
أنا بعشقك من غير ظنون إتحاشي قللي قسوتك

كردي والله انا طوااااااااالي بجي اتاوق بي جاي يعنى متابعة بس ماعارفة اكتب شنو؟؟؟
ابقي واصل
لك التحية

ام خالد كتب:: كردي والله انا طوااااااااالي بجي اتاوق بي جاي يعنى متابعة بس ماعارفة اكتب شنو؟؟؟
ابقي واصل
لك التحية

نحنا جيتكم كفانا ومنها اكتر ما بنكوسو

ياريت نري مذيد من قصائدك حروفك هوان،وخواطرك إحترق شوقا"،تركتها مثلا لا الحصر..لأنه اكيد حصاد 5 سنين ويذيد لاينضب

شجون كتب:: ياريت نري مذيد من قصائدك حروفك هوان،وخواطرك إحترق شوقا"،تركتها مثلا لا الحصر..لأنه اكيد حصاد 5 سنين ويذيد لاينضب

شجون تحياتي
سعيد بي مرورك
والقادم اجمل

أنسيني عيشي هناك بعيد وأنا بي حروفي بودعك..
ابداع كردي ستار مشكور..

بلسم كتب:: أنسيني عيشي هناك بعيد وأنا بي حروفي بودعك..
ابداع كردي ستار مشكور..

لا المداين فيها زيك ولا القري بتعرف سماحك ..
لا شموسا بتخـفي ضيك ولا صباحا متل صباحك ....
كل عوينات المداين فيها من عينيكي لمحه ..
لا سخط كل العواصم ليكي من عينيا يمحه ..
قلت أختار قلبي يمكن في بعادك يقسي يجفا ..

الحضن والعشره عندك مابتهون..
ننتظر المذيد

متوقعك تجي زي خريف وتلطفي الجو والمكان ...
ينزل رزازك بالفرح يامعجزة آخر الزمـــان ...
وأنا زي جمالك ما رأيت لا شفته زي حنك حنـان ...
سبحان من خلق العيون سواكي زي حور الجنان ...
وأبدع عديل في وجنتيك يا أحلي مانطق اللسان ...

البت دي بتودي وتجيب لا دايره تستحمل معاي لا قادره تبقي بلا حبيب
البت لو صبرت معاي يمكن جروح الناس تطيب
البت دي ترفض وتستجيب
وأنا بي مزاج فاتحلها التحنان بحر عايمه ومراقبا من قريب
لكنها تودي تودي وتجيب

مرات بترطن بالغرام ومرات بتنعل أبو القليب
وفي خاطري تتحرك كتير حوامه والخاطر رهيف
بتقده يابت الحلال وإياكي ظنك يوم يظن
أنا خاطري عن خاطرك يغيب
البت دي لو شرقت عليك تملأ المفاصل إرتياح
البت دي لو كذبت عليك تلقاهو كلو كلاما صاح
تمشي وكأنها لحظة ضو واقع من أكتاف الصباح

اقتباس :: يارايعة ماكان العشم إنك تغيبي من القليب ...

أبدا" ولا فكرته يوم ما انتي زي وطني
الحبيب ...

معقوله تمشي بلا إذن تمشي ويفرقنا الدريب ...

يومين عليا كتار
شديد قضيتا في البكا والنحيب ...

وماشفتي كيف الحال وراك موقودة نيران
اللهيب ...

تاكل قليبي نهار وليل وآآآشري من حالي العصيب ...

فتشتلك وسط
المسامات في شقوق خد المداين والحبيب ...

ووسط الليالي الحالكه ديك في كل
جراحنا المابتطيب ...

لكني للأسف الشديد ماشفتلك يبقالي ماعندي النصيب ...

مشكلتي في الدنيا الوداع ياهو الوحيد العندي عيب ...

وأنا بيك مستف أمنيات
وغيرك ولا بسوي السبيب ...

وما أظني غيرك بلقي زول يارايعة في الزمن الصعيب
...

يقدر يسد فجوة هواك يمنع شموسي من المغيب

يارايعة ماكان العشم إنك تغيبي من القليب ...

أبدا" ولا فكرته يوم ما انتي زي وطني
الحبيب ...

معقوله تمشي بلا إذن تمشي ويفرقنا الدريب ...

يومين عليا كتار
شديد قضيتا في البكا والنحيب ...

وماشفتي كيف الحال وراك موقودة نيران
اللهيب ...

تاكل قليبي نهار وليل وآآآشري من حالي العصيب ...

فتشتلك وسط
المسامات في شقوق خد المداين والحبيب ...

ووسط الليالي الحالكه ديك في كل
جراحنا المابتطيب ...

لكني للأسف الشديد ماشفتلك يبقالي ماعندي النصيب ...

مشكلتي في الدنيا الوداع ياهو الوحيد العندي عيب ...

وأنا بيك مستف أمنيات
وغيرك ولا بسوي السبيب ...

وما أظني غيرك بلقي زول يارايعة في الزمن الصعيب
...

يقدر يسد فجوة هواك يمنع شموسي من المغيب

بقيت أناعندك زكري بتمروالسلام..
نسيت هواي والشهور والسنين..
نسيت شوقي وبحورالحنين..
نسيت عيوني البتشكي المواجع وتحكي الحنين..
نسيت مشاعري الصادقة ليك ووين هسي شوفنا زمان كنا وين..؟
بقيت عليك زي الغريب ..لاشوق بودي لاريدبجيب..
رفضت أكون ليك الحبيبه القريبه ولاكنت لي الحبيب القريب..

خلاص مابتفيد الدموع والمآسي وحلو الكلام!
ولافيك أفادني العتاب والملام!
خلاص افترقناوده كان بي إرادتك ولاشفع لي عندك غرام!
لوكان بإيدي الخيارأكيد ماأرضي السهادوالضنا/
بدون إحتيار الخيار اقامتك في الدواخل معاي هنا/
بس انت عندك حبيبه وأتنين تزاكر في آخر قطروخاتم مني/
رحلت وببساطة نسيت حتي مين أنا/

أتحده بيك زمن التعب زمن الطشاشات والهجير ...
إتحده بيك يا رايعة وجعات الزمان القاسي والمافيهو خير ...
تبت يدا كل زول يشيل منك غناك يملاك تعب والحال مرير ...

بتحسسك في الروح نفس تطلع عوارضك في الزفير ...

بستنشقك حبة يقين يشحن رئاتي كلام كتير ...
شان إنتي رايعة وبس كفي ..
إنسانة مابتعرف جفا ..

ويوماتي تزرع في الوفا ..

في دنيا جايره ومجحفا

قرفانة من عمر البشير ....

بقيت عليك زي الغريب ..لاشوق بودي لاريد بجيب!
لارضيت أكون ليك الحبيبه القريبه ولاكنت لي الحبيب القريب!

معاك زمن الفرح تواه فقد معناه ليهو سنين
وأريت الماضي لو ننساه ويكون قدامنا صبح الحين
عذاب قلبي المحق في بكاه قساوتك وإنتظار أمرين
فراق كان للأسف عشناه وحصادنا المنو فرقه شتات
تصدقي ماقدرته أشوفك مجرتقه وإنتي سايره عروس
ونشف عرق الهوي البتق في أطيب أرض مغروس
غريبه نقول زمن فرااااق ونحنا علي الفراق بنكوس
تسيل دمعاتنا تتدفق وكيف بتفيدنا يوم دمعات ؟
عيونك ليه علي تقسي وأنا العلمتها الأشواق ؟
وقليبك كيف يجور ينسي ويسيبني أنا فوق جمر حراق ؟
وحيد خلاني دون مرسي أقاوم في زمن فراااق
وعايش فرقتك هسع وكيف أحوالي في الجايات

واقف براي في حضرتك راجيك تجيني من السحاب
ستو المطر .. والإرتوي .. مافيها حته من السراب
ستو اليقين في ها البلد مالينا لي حد الرقاب
ستو العشم والأمنية ستو الصغار حتي الشباب
دايرك تشوفي لي وطن طيب نفوس ويرحل يفوت الإكتئاب
دايرك معافي وماك مريض وتكتب تصاريح الإياب
لي كل زول فاتك زمان كان يشكي من مر الصعاب
يرجع يعود ليك من جديد لا آهة لا هم لا عذاب
وتظلي يا ستوالحنان وكل الأمان وأجمل كتاب
بقراكي ليل - يا أحلي نيل - بالك طويل -
باقيالي حيل - وصبري الجميل رغم المصاب
،،،،،،،،،،

سبب وجعة قليبي معاكي

إنك قاسية في شوقك بخيله شديد

ماتتوجع ماتتأسف ..
خليني أنا إتأسف..
يوم سكنتك أنا جواي وقليبك لي
ما أنصف..

جربته كل طرق هواي ماسبته سكة عشان أجيك ...

لكني مامحظوظ معاك بالرغم من إيماني بيك ...

ألقاكا كيف ؟ في يات مكان ؟ مامات عشم لقيايا فيك ...
لا برضو هداني التعب ومازلت برضي المشتهيك ..

رائع

بتحبي زول حاباهو كل الناس وطن ...

وطناً يضم الناس عليه وطناً جميل مافيهو ظن
ماتخافي شي صارحيهو بالبيك والعليك ..

وإنك مجافي النوم عينيك وفي بعدو بتعاني المحن ...

وبتخافي إنك تفقديه وتدفع مشاعرك هي التمن ...

كده أحلي شي وأحسن من الصمت العليك صارحيهو عن ...

كل المشاعر الساميه ديك عن كل مابيك من شجن ...

يارايعة أصلو الريد أمان ..

والبيكي أكتر من حنان البيكي منبع كل فن ...

ما أجملك لمن تبوحي كما الشمس ..

وزولك كمان بالبيك يحس يملاكي حن ...

حتكوني سويتي العليك والباقي مابيحتاج زمن ...

ربك يلمك بالحبيب ..

ترتاح مشاعرك والقليب ..

بتمني ليكي فرح قريب ومن تاني مايغشاك حزن