أهلا بك زائر منتديات العقدة حديد تصفح كما تريد ثم سجل كما نريد تجد عندنا كل جديد . . . أنت من أبناء العقدة أنت صاحـــــب الدار . . . . سجل

ادارة المنتدى
أهلا بك زائر منتديات العقدة حديد تصفح كما تريد ثم سجل كما نريد تجد عندنا كل جديد . . . أنت من أبناء العقدة أنت صاحـــــب الدار . . . . سجل

ادارة المنتدى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتديات العقدة حديد منبر حر للجميع من أجل تنمية و رقى المنطقة و تقدمها
 
الرئيسيةأحدث الصورالتسجيلدخول
الساعة
المواضيع الأخيرة
» مسودة دستور الصندوق للخيرى
استعجلي وخشي القليب - صفحة 4 Icon_minitimeالجمعة أغسطس 19, 2016 2:41 pm من طرف معتصم فتح الرحمن

» وفاة الحاج / عبد الحميد عبد الغنى
استعجلي وخشي القليب - صفحة 4 Icon_minitimeالأحد أغسطس 07, 2016 5:05 pm من طرف معتصم فتح الرحمن

» سابقة قضائية في قضية جمارك
استعجلي وخشي القليب - صفحة 4 Icon_minitimeالجمعة يناير 01, 2016 6:16 pm من طرف ابراهيم عطية بابكر

» الكنداكة ملكة كوش
استعجلي وخشي القليب - صفحة 4 Icon_minitimeالجمعة ديسمبر 25, 2015 3:21 am من طرف ابراهيم عطية بابكر

» تمليك الطلاق
استعجلي وخشي القليب - صفحة 4 Icon_minitimeالإثنين يونيو 15, 2015 3:48 pm من طرف ابراهيم عطية بابكر

» استعجلي وخشي القليب
استعجلي وخشي القليب - صفحة 4 Icon_minitimeالثلاثاء مايو 26, 2015 7:58 pm من طرف بلسم

مواقيت الصلاة بكريمة
صورة العقدة

 

 استعجلي وخشي القليب

اذهب الى الأسفل 
+8
عبدالعظيم الطيب
عبدالله ابوغرة
ام خالد
شجون
اميرة رحمه
محمد عبد الوهاب
هشام عبدالرحمن
كردي ستار
12 مشترك
انتقل الى الصفحة : الصفحة السابقة  1, 2, 3, 4, 5, 6, 7  الصفحة التالية
كاتب الموضوعرسالة
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: استعجلي وخشي القليب   استعجلي وخشي القليب - صفحة 4 Icon_minitimeالأربعاء يونيو 06, 2012 3:03 pm

تذكير بمساهمة فاتح الموضوع :

بتنفسك في الضيق شهيق يا أحلي من طعم التمر
يامالية قلبي حروف يقين من الصباح واليوم يمر
نشوان بكون في حضرتك وإتهنأ بيك طول العمر
يابت رقيقه كما الزهور نديانة والحال فيك يسر
ما أجملك والله جد لمن خطاكي تجيني من بعد العصر
وعند المغيرب توصلي تلقيني مت من الصبر
صبري العليك ماصابرو زول صبر السيوف في يوم بدر
أصحابه شادين القتال دايرين من المولي الأجر
تسمع صليلا وري الجبال تحلف تقول يا الله كر
إستعجلي وخشي القليب أناحالي دونك أصلو مر
مافيهو حتي طعم حياة ومن غير عيونك مابيسر .


عدل سابقا من قبل كردي ستار في الأربعاء ديسمبر 05, 2012 1:48 pm عدل 2 مرات
الرجوع الى أعلى الصفحة اذهب الى الأسفل

كاتب الموضوعرسالة
كردي ستار

 مشرف القسم العام
 مشرف القسم العام



عدد المساهمات : 4661
تاريخ التسجيل : 21/05/2011

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأربعاء نوفمبر 14, 2012 7:32 am

واليقطعك
يصبح مدان


ياربي سهل لي الدروب


شان إنت علام الغيوب


وديني لي ست البلد


ياالواحد الفرد الصمد


أملاني من عندك يقين


يافالق النوي والجنين


ياخالق الحب والبشر


ياالمابيعصي عليك أمر


دايرأكون جمب ستو النفس


اناغيره فاقد كل حس


أرحمني يارب العباد


أديني من عندك عتاد


أرزقني بالخير والولاد


من ستو وأدخلني الجنان
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام



عدد المساهمات : 4661
تاريخ التسجيل : 21/05/2011

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالخميس نوفمبر 15, 2012 6:16 am

طقــــت زغاريد في البلـد
ويارب تكون طقت لخير ؟
وإنشاء الله تبقي عشان فرح
وياما رجيناهم كتـير .....
يا ستو في هادي البلاد
الضحكه زاتا بقت عذاب !
زغروده بتخش البيوت
في ثانية تتقلب إكتئاب !
نحنا إرتضينا نموت كمد
ودعنا أحلام الشـباب ..
ولدونا في الزمن الغلط
في عنبر الدنيا الغياب ..
سمونا نحنا ولاد نعش
بنموت إذا نقط سحاب ....،،،
حلم المغنين الحـروف
تترصه في بيت الغنا ،،
وحلم التعابه الأمسيات
في دنيا ساهله وممكنة ،،
وأنا حلمي بي ستو اليقين
ألقاها وأقـدر أحضنا ،،
بعد إرتضيت صبر السنين
فيها الثواني متل سنه ،،
إتمني ألقاها وتكون
وأنا برضي بلقاها وأنا ،،
أنا ود بلد راضعه الحنين
وحتي البلد ياها أمـنا
والأم عطوفه علي الولد
طال ما الولد ياهو الجنا ......،،،
أنا ود بعانخي من الشمال
مولود في أرض المبدعين ..
حميد حسن سالم وكمان
كل الترابله المخلصــين ..
زارعين نخيلم في الضفاف
ساقنو من عرق الجبين .....،،،
أنا في النهاية آستو زول
خاتيكي للزمن اللي جاي ..
شان إنتي من دون الخلوق
لاقيت معاكي حلم صباي ..
إتمني ألقاكي وسريـع
في ثانية تبقي هنا ومعاي ..
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام



عدد المساهمات : 4661
تاريخ التسجيل : 21/05/2011

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالسبت نوفمبر 17, 2012 7:51 am

قااااعد وأفكر كيف أجيكي
وإنتي أعلي من الثـريا ...
وياتو سكه تسوق خطايا
وتحمل الشوق اللي فيا ...
أنا إقتنعته علاقتي بيكي
زي علاقة كــــل بنيه
لما طــول الليل تساهر
تبكي من شوقا العليا .......¤¤
أنا زول متيم بيكي انتي
والمتيم بيكي طيبه ..
ماهو زي كل البيعشق
تلقي مدمن بالحبيبه ..
والحبيبه بتعني عندو
زوله جواهو وقريبه ..
ويوم تفارقو ثواني ساكت
تبقي وقعت كم مصيبه
والمصيبه أنا إني غيرك
مابساوي ولا السبيبه .......¤¤
ستو لازما" يوم أجيكي
حتي لو ميت عديييييل ..
شن بساوي بلا عينيكي
غير أعيش بائس ذليل ؟
نحنا لمتنا المشاعر
وبيني مابينك جميـل ..
ويكفي إنك فيني غنوة
وحجوة زي عضمة شليل ..
زارعه جواي المحاسن
وشايله مني حمل تقيل .......¤¤
يوم أجيكي بجيكي باكي
أفردي الأحضان عشاني ..
ماتكوني بخيله ستو
أنا ياما أديتك حناني ..
وياما فيكي مليت دفاتر
طاعمه مازي الأغاني ..
ما الأغاني بقت مسيخه
مارقه من بق الثواني
بي حروف مرصوصه ساكت
لا تعابـير لا معـاني ......¤¤
الرجوع الى أعلى الصفحة اذهب الى الأسفل
شجون

 عضو فاعل
 عضو فاعل



عدد المساهمات : 146
تاريخ التسجيل : 26/02/2012

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالسبت نوفمبر 17, 2012 8:18 am

المصيبه إني غيرك مابساوي ولا السبيبه..ابداع ياوليد والله يخلي ستو
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام



عدد المساهمات : 4661
تاريخ التسجيل : 21/05/2011

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالسبت نوفمبر 17, 2012 12:48 pm

يجهرن عين السماحة.........ويشرقن اعيادعليّه
ديل عيونك حكمة الله.....صاغن احساسات وضيّة
يدهشن كل البشوفن......ويلهبن احشاهو غيّ
شكرا شجون
الرجوع الى أعلى الصفحة اذهب الى الأسفل
شجون

 عضو فاعل
 عضو فاعل



عدد المساهمات : 146
تاريخ التسجيل : 26/02/2012

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالسبت نوفمبر 17, 2012 1:19 pm

التعديل حيرني يا كردي؟
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام



عدد المساهمات : 4661
تاريخ التسجيل : 21/05/2011

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأحد نوفمبر 18, 2012 7:58 am

شجون كتب:
التعديل حيرني يا كردي؟

دي حاجات بسيطة
واسف جداعلي الخطأ الغير مقصود
تم التعديل


عدل سابقا من قبل كردي ستار في الأحد نوفمبر 18, 2012 8:02 am عدل 1 مرات
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام



عدد المساهمات : 4661
تاريخ التسجيل : 21/05/2011

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأحد نوفمبر 18, 2012 7:59 am

والله يا ستو إشتهيت
الرقده في حجرك هناك ..
وكم مرة إتمنيت أكـون
زولا" يحقق مشتهاك ..
عارفك كمان مشتاقه لي
وأنا زاتي مشتاق لي لقاك ..
إلآ الزمن حالف يمين
لازم أموت وأنا في رجاك ..¤¤
يا ستو ياما في ناس كتار
لسع يعانوا من الحبيب ..
ماشفتي كيف يا ستو ناس
ريدم صبح الم القليب ؟
والشك دخل. سكن الفؤاد
ساعة الحبيب بقي ماحبيب ؟
وأنا وإنتي أحسن من كتار
والبينا أصفي من الحليب ... ¤¤
ياربي تديني الصبـر
وأديني من عندك يقين ..
وأجمعني بي ستو الأمان
داويني من وجع السنين ..
أنا زول بقيت في ها الحياة
غير ستو ماعاد لي حنين
وياها الوحيده المن زمان
غطيها ربي من أي عيـن ...¤¤
وأعدل كمان حال أي زول
قاعد يعاني من الهيام ..
وداوي القلوب النازفه من
وجع المسمـنو الغرام ..
وطيب خواطر العاشقين
في دنيا غرقت في الحطام
وأعدل كمان حال الوطن
خلينا ننعم بالسـلام ¤¤¤
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام



عدد المساهمات : 4661
تاريخ التسجيل : 21/05/2011

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالإثنين نوفمبر 19, 2012 6:44 am

زوله بتخنقك بالشوق
تكتف وتمسك أنفاسك ..
تخشك زي نسيم الريف
وترقد جوة إحساسك ..
بنية تنور الوجـدان
وكت ما الدنيا تتماسك ..
يهدك نضمها الموزون
تجوط الدنيا في راسك .. .. ..
تعالي وفرتقي الإحساس
ولخبطي كل حساباتي ..
تعالي وخشي في جواي
وأعبري من مسامـاتي ..
رسمتك فيني قبل ألقاك
تفاصيل من معــاناتي ..
لأنك إنتي في الآخـر
تبشري بي فرح آتـي .. .. .. ..
إذا ما الدنيا لـمتنا
تكون مشكوره ها الأقدار ..
أقلو نحقق أحلامـنا
ونكمل سـكة المشـوار ..
ونبقي برانا في دنيا
ولا بيناتنا يـوم أسـرار .. .. ..
نشيل أنا وإنتي باقي الهم
وماننسي الوطن في يوم ...
ومانقعد برانا نقـول
إنشاء الله القيامه تقـوم ..
يهمنا حال وطن مجروح
غلابه وحدها الخرطوم ..
ويتامه يساهروا طول الليل
عيونم ماغشـــاها النوم ..
نكفكف دمعة الأمات
نبشر بي سنين جايات
بنياتنا الدوام سمحات
ينططوا يجروا طول اليوم .. .. ..
وتكوني آ ستو بشري وفال
وتمسحي دمعة الاطفـال
أعيش في حضنك الدافي
ملان بالصحه والعافي
تضمنا نحنا حضنة شوق
إذا هجمت علينا أهـوال .......
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالثلاثاء نوفمبر 20, 2012 12:46 pm

يلا يابت أبقي مارقه
وألبسي الأشواق وشاح ...
وكحلي العينين محبـه
وطلي زي شمس الصباح ..
وأطردي الكسل المفتر
وهِبي قومي كما الرياح ....¤¤¤
الصدف جمعتني بيكي
لا في موعد لا إتفاق ..
نحنا إتلاقيـنا جوه
في وطن بالوجعه ضاق ..
نحنا مابينا المشـاعر
والتفاصـيل الدقاق ..
ولمسة الوفا في هوانا
ماخده من حارتك زقاق ....¤¤¤
ستو يا البت البتعني
للغلابه صبر ليالي ..
ستو من فج الحقيقه
ديمه بندهلك تعـالي ...
ومافي في جواي مشاغل
إنتي وحدك شاغله بالي ..
وهمي كلو أضوق جديدك
لما تبقي آستو فالي ...¤¤¤
ستو مرات أبدأ أسرح
لما بكره نجيب مؤيد ..
وتبقي بيناتنا الطفوله
وبيتنا بالأطفال مشيد ..
ونبدأ نحصد أمنياتنا
لما يبقي البيت أمان ..
والقصايد وأغنياتنا
والمواويل الزمااااان ..
وفي النهاية تكوني ستو
منبع الريد والحنان ....¤¤¤
الرجوع الى أعلى الصفحة اذهب الى الأسفل
ام خالد

 مشرف قسم شئون المنتدى
 مشرف قسم شئون المنتدى
ام خالد


عدد المساهمات : 1586
تاريخ التسجيل : 31/05/2011
الموقع : المملكة العربية السعودية

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالثلاثاء نوفمبر 20, 2012 12:52 pm

والله بختك ياستو...
انت اكيد من الزمن الفلانى
لك التحية علي هذة الروائع....
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالثلاثاء نوفمبر 20, 2012 1:23 pm

ام خالد
سلام ياست عيون بتضوي شمعات بالنهار والليل ...
سلام ياصابره بتعاني وصبرك شايلا من النيل ...
مشاركاني الألم والوجعه وقاسمه معايا حتي الويل ...
واقفه معايا وقفة زول أصيل في طبعو ضمه جميل ...
دمتي بود
الرجوع الى أعلى الصفحة اذهب الى الأسفل
شجون

 عضو فاعل
 عضو فاعل
شجون


عدد المساهمات : 146
تاريخ التسجيل : 26/02/2012
الموقع : كريمة..العقدة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأربعاء نوفمبر 21, 2012 10:44 am

ابداع..
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأربعاء نوفمبر 21, 2012 11:09 am

بالنسبه لي حبـك فرض
زي التكنو جهاد ودين ..
يا ستو عشقك فيني روح
هي الأحيت الريد الدفين ..
عشق العوينات الوطن
ياهو الجهاد يامسلمين ..
والدنيا سمحة وكت تكون
محصوره كلها جوه عين ؛؛؛ ؛؛؛
عين الحبيبه كما البيوت
ننجمه فيها من الهجير ..
جواها نلقي الأمنيات
ننسي المعيشة الدار تطير ..
نتخبأ مابين الرموش
من وجعة الزمن المريـر ..
ولو جعنا ننزل للشفاه
العذبه والريق الخرير ؛؛؛ ؛؛؛
ما أجملك يا ستو شوق
يدخل عليا كما الخريف ..
يلحقني قبال الضياع
والحرقه في الزمن المخيف ..
إنتي النجاة دون الخلوق
وحدك قليبك هو النضيف ..
بت رايعه إنتي كما البلد
وأشواقي ليك مابحوشا قيف ؛؛ ؛؛؛
أشواق بتجري جري الرياح
زي طلقه مارقه من السلاح
زي زهره حلوة عبيرا فاح
زي زعله بعدها جا السماح
ستو الحبيبه الممكنه
ستو الفرح والإنشراح ...
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالخميس نوفمبر 22, 2012 7:19 am

إتمشيت في سكة تودي
كل الناس لي عالم تاني ..
درب الريد واليمشي عليهو
إلآ يكون إنسان متفاني ..
ويعرف كيف يتعامل فيهو
وإما كمان حيقولوا أناني .. ،،
هادي السكه الناس خلوها
ومشوا في السكه المامعروفه ..
سكة عليها الناس يتجاروا
ياواقفين بالدور في صفوفــه ..
أكل العيش ورباية الشفع
ولي تعليمم لازم تدفــــع
إيجار البيت والجاييك لسع
كهربا موية وغازك يقطع
إنت تعاني وبرضك تسمع
وتحـرم نفسك من مصروفه ..
الله يجازي السرقوا عرقنا
ويخرب بيتكم يا الكيــزان ..
يوما" أسود جابــكم لينا
عمر الأهبل وعلي عثمان ..
سبتوا بلدنا الجوع هاريها
وكل الشعب ينوم قلقان ..
شعبا" كان في الحق بيكاتل
وهسع نص الشعب جبان ..
وحتي النص الفضل فينا
إتعسكر في جهاز وسخان ..
جهاز الأمن كلاب الشرطه
والجياشي حليلو زمان ..
كان بيدافع للأوطان
ومابيقبل شعبنا يتهـان
هسه هو زاتو إتناسي البينا
وأصبح زول ساكت سجمان .. ..
الله يغير حالا بـلادي
وبي إسمك طوالي بنادي
دمت عزيرا" يا سودان ...
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالسبت نوفمبر 24, 2012 8:33 am

ولامليت من الأشـواق
ولا صابت دواخلي فتور ..
برغم السكه والساساق
ملامحك رافضه أي ظهور ..
ومهما قلبي منك ضـاق
خلافك رافض أي شعـور ..
ورافض مبدأ أني أعيـش
علي بلد إتملت بالــزور .. ،،،
بقي الإنسان يعد الريد
سلع مفروشه في دكان ..
كأنو ضياع زمن ساكت
يعيشو الزول بأيا" كان ..
حليل زمن المحبه إحساس
وأغاني بتطرب الإنسان
بقت دنيتنا حالا خراب
وكت ماهانت الأوطان ،،،،
تعالي آستو أحكيلــك
حكايتي مع الحنين والشوق ..
تعالي قبل يجيكي نعاس
وشمسك تبقي مارقه شروق ..
أنا الضحيت عشان بلدي
وعشان الضامر المحـزوق ..
وعشان أرضا" نسوها الناس
بتبكي تلاهي للواسوق ..
وعشان هادي البلاد ترتاح
وتنسي همومه ضمه تروق ..
وعشان الطيب الإنسان
يبـــــــوح بي ريدو للمعشوق
وعشانك برضو يا ستو
وعشان قلبا" يهاب الشـوق ،،،
متين يا ستو نبقي خلاص
بقينا أنا وإنتي أحلي إتنـين ؟
ومتين إرتاح علي حضنكـك
متين يا ستو قولي متين ؟
أزتني الدنيا في غيابك
تعالي وشوفي حالي الشين ..
وعايش في ركن مسكين ..
وراجي لقاكي في جمرا"
ملهلبه نـاري بالجيهتين ....
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأحد نوفمبر 25, 2012 6:28 am

ديل إتنين يا ستو وحاتك
وبرضو مزاج الكيف ماتمه ..
طول الليل مستني طيوفك
وحدك عندي الغالية وأهمه ..
إنتي الزوله السكنت روحي
حبيبتي وأختي وبرضك يمـه
وبرضك عندي الدنيا العالم
وتوزني وحدك شعب وأمه ؛؛؛؛
أنا شخصيا" بدري قنعته
من خيرا" في دنيا رماد ..
ستو أظنك شايفه الحاصل
واليحصل يوماتي معاد ..
ناس بتعاني عشان ماتعيش
دين وجروره وبالمافيش
ناس بتفتش لقمة عيش
ليلا نهارا سواد في سواد ؛؛؛؛
ستو بحبك وإنتي بلادي
وإنتي الفرحه المامدسوسه ..
غصبا" تطلعي من أوجاعي
في وطنا" ناخراهو السوسه ..
دايره توضحي لي أوطانك
وتشرحي وحدك إنتي دروسه ..
وعاوزه توري العالم إنو
كل الناس للخير يتمنو
يتهاتوبو وليهو يغنو
وكل مداين الريد محروسه ؛؛؛؛
والبني آدم طيب قلبو
ودايما" ضاخي الريد للناس ..
والبيسافر يسلك دربو
والشيطان ماعاد وسواس ..
وكل ضماير العالم تصحي
وتقطع عصب الشك بي فاس ..
والآطفال يتجاروا هناكا
دون هما" عشعش في الراس ..
وبالإيمان تتغطي نفوسنا
وللبيناتنا نعممق سـاس ..
وإيه الدنيا بلا نتلاقي
ويبقي غنانا مديح كدباس
وستو نشيد العالم تصبح
أغنية حلوة ملانة إحساس ؛؛؛؛؛
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالإثنين نوفمبر 26, 2012 6:41 am

شيلي من جواي مواجعك
وختي بدل الوجعه شوق ..
وأفردي أحضانك عشاني
وأبقي في دنياي بــروق ..
وأشلعي الضو في حياتي
وأجري في الدم والعروق
ستو لما تغيبـي إنتي
الحقيقه بتبقي كذبـه ..
والمواويل في غيابـك
والمعيشه الأصلو صعبه ..
والبيوت تكتر هموما
والشوارع تبقي كعبه ..
وتبقي دنيا الناس مواجع
لليتيم الزيتو طالع
وتتقفل كل الشوارع
لا عمارات لا مصانع
ويظهر المدسوس مخبأ
أنا إكتشفتك في فنـــادق
وفي بيوتنا الماشويـه ..
وإكتشفته كمان خصـالك
في غرفنا المخمليه ..
زوله تطلعي في التظاهر
ضد كلاب الأرزقـيه
وواضحه في كل العوالم
في غنيواتنا الشجيه
ستو والريد والمشاعر
والإحاسيس الصدوقـه ...
والنجيمات يوم تـراري
والصباحات بي مروقه ...
الصدق عنوان وضوحك
ربي يشفيلك جروحك
شان حياتنا نعيشا روقه ...
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالثلاثاء نوفمبر 27, 2012 6:45 am

رضعتـك من ثدي الأشواق
نغيمة وشوق مزارعيه ..
علي الأرض البتنبت حـن
ترابا سنينو منسيه ..
بتطلعي من عرق تربال
مسك في إيدو طورية ..
بعد حصد الآرض تحنان
رجع والدنيا مطريه ..
يلاقي الراحه في حضنك
ينـــوم ينجمه يابنيه
ستو حبابك آ السمحه
وكت ترجيني بالأحضان ..
أضمك فيني زي طفلا
مناها تلاقي فيني حنان ..
تكربش في حنايا الشوق
بكاها يحنن أي إنسان ..
تغمض جوه أحضانـي
تبحلق في ضلام الليل
وتخاف القومه ذاته كمـان
وحاتك ستو أنا الضليت
زمااان في سكة الأوجاع ..
وبكيتك ياوطن محتل
تعاني علي زمن طماع ..
زمن سرق الحقيقه وفات
وماتت فيني ها الغنـوات
خطاوي تفوت بكل إسراع ..
تفتش ستو في بلادي
تجوب الصحرا والوادي
هناكا وبرضو بي غادي
وتفتش نشرة الرادي
وفي الآخر تلاقي حلم
ملان بالحسره كلو ندم
ومافي عشم ومافي عشم
بلا حلما" مشتت وضاع .
الرجوع الى أعلى الصفحة اذهب الى الأسفل
بلسم

 عضو رائع
 عضو رائع
بلسم


عدد المساهمات : 511
تاريخ التسجيل : 04/09/2011
الموقع : الخرطوم

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالثلاثاء نوفمبر 27, 2012 7:33 pm

ماشفت الحال صبح كيفن وراك!
جرح فرقتنا جبتو براك!
بس عاد أبدأ ليك من وين؟وإنت الحالة مابتغباك!
كان للقلب ياهو حاضن الدمعة من يوم داك!
عيوني بس خليها ساي شالت سواد الحد وراك..
ستو بتطيب جروحك وانامن لي حبي وراك
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأربعاء نوفمبر 28, 2012 6:05 am

بلسم كتب:
ماشفت الحال صبح كيفن وراك!
جرح فرقتنا جبتو براك!
بس عاد أبدأ ليك من وين؟وإنت الحالة مابتغباك!
كان للقلب ياهو حاضن الدمعة من يوم داك!
عيوني بس خليها ساي شالت سواد الحد وراك..
ستو بتطيب جروحك وانامن لي حبي وراك
يوم أجيكي بجيكي باكي
أفردي الأحضان عشاني ..
ماتكوني بخيله انتي
أنا ياما أديتك حناني ..
وياما فيكي مليت دفاتر
طاعمه مازي الأغاني ..
ما الأغاني بقت مسيخه
مارقه من بق الثواني
بي حروف مرصوصه ساكت
لا تعابـير لا معـاني ..
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأربعاء نوفمبر 28, 2012 6:11 am

عذرك وكت مامنطقي
خليهو جواك يبقي سر ...
وعمرو المشاغل مابتقيف
قدام حبيب شان يعتـذر ...
أنا ماتراي مشغووول دوام
وطوالي خاطري بينكسـر
لكني بسأل عن خطاك
وأكتبلك الشوق بالحبر ،،
يا ستو دنيا الناس ظروف
بس ظرفك إنتي ولابيحل ..
ورغم المشاغل والهموم
كايسلك إنتي محل محل ..
وداير أضاريك من هجير
مطر العوارض لو هطل ..
وخايفلك الناس الوحوش
ودايما" بوريكي الحصل
في دنيا عاميها الضباب
فيها الجبان عايش بطل ،،،
عذرك ولا بيقنعلو زول
ضاق المواجع من سنين ..
يا ستو نحنا ولاد تعب
ولدونا من رحم الأنيـن ..
يوماتي خانقانا الظروف
ياحليلنا نحنا العاشقين ..
نعرف نعيش لو من عدم
أرزاقنا من عرق الجبين ..
عايشين حياتنا وسط صعاب
ونضمنا كلو عديل وزين ..
عذرك ولا بتقبلو
خليهو قاعد قبببلو دين
يازوله عذرك ضمه شين ،،


عدل سابقا من قبل كردي ستار في الأربعاء نوفمبر 28, 2012 10:41 am عدل 1 مرات
الرجوع الى أعلى الصفحة اذهب الى الأسفل
بلسم

 عضو رائع
 عضو رائع
بلسم


عدد المساهمات : 511
تاريخ التسجيل : 04/09/2011
الموقع : الخرطوم

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأربعاء نوفمبر 28, 2012 8:24 am

وقفت كثيرا"قبل لحظات علي الاطلال فمر امامي شريط من لحظاتي الجميله التي قضيتها معك فشهقت شهقة"نبهتني اني قريبه جدا منك فسألت نفسي هل اجيك؟فرد الصدود ستصدين كالعادة
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأربعاء نوفمبر 28, 2012 10:45 am

يا ستو ياما في ناس كتار
لسع يعانوا من الحبيب ..
ماشفتي كيف يا ستو ناس
ريدم صبح الم القليب ؟
والشك دخل. سكن الفؤاد
ساعة الحبيب بقي ماحبيب ؟
وأنا وإنتي أحسن من كتار
والبينا أصفي من الحليب ... ¤¤
ياربي تديني الصبـر
وأديني من عندك يقين ..
وأجمعني بي ستو الأمان
داويني من وجع السنين ..
أنا زول بقيت في ها الحياة
غير ستو ماعاد لي حنين
وياها الوحيده المن زمان
غطيها ربي من أي عيـن ...¤¤
الرجوع الى أعلى الصفحة اذهب الى الأسفل
بلسم

 عضو رائع
 عضو رائع
بلسم


عدد المساهمات : 511
تاريخ التسجيل : 04/09/2011
الموقع : الخرطوم

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأربعاء نوفمبر 28, 2012 6:37 pm

أي لحظة بعيدة عنك ضائعةمن أيام زماني
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالخميس نوفمبر 29, 2012 6:21 am

مشاعرك سيبا في جواك
تشيلك في زمن أغبر ..
تسندك يوم يموت الحيل
وحبيبك ليكا يتنكـر ..
تفيدك في بلد من نار
تقيك لفح السموم والحر ..
بلادي المن زمن صبحت
بقت ضامانا زنزانه ..
وحبيبة تشيل سلاحا عليك
تكب جواكا جبـانه ..
تشيل حالك - تدق طارك
نصيحه وماها عيانه ..
حليل زمن الحبيبه يقين
متيمه بيكا هيمانه
وتريدك بي قلب صادق
تحبك وفيكا عشمانه ..
تعالي آستو شوفي البي
تعالي وشوفي حالي وراك ..
بقيت إنسان صبح مهمــوم
يلاهي يموت قبل يلقاك ..
تعالي قبل يموت الشوق
وتمسخ كل حكاوي غناك ..
وتموت أشواقي بين إيديك
شهيده علي دروب محاك ..
رحيل .. سفر .. هجره
مآسي كتيره منتشره
حلق مسدود من العبره
غلابه تفتش الكسره
ده حال وطني البحبو معاك ..
تعالي آستو قبل الموت
يشيل صبر السنين غربه ..
وقبل ماتجف حروف ريدي
حلوق كلماتي ملتهبـه ..
تعالي وخشي في جواي
مشاعري عفيفه ماكعبه ..
بضمك فيني نسمة ليل
وأحارب بيك سنين صعبـه ...
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالسبت ديسمبر 01, 2012 6:24 am

يامارقه من تيبان حياك
ياواضحه زي ضي النجم
مخدوعه لو قايله العيوب
الفيكي يسترن الهدم
طولتي فوق ضهر الخيال
يا جاهله نومك متقسم
مابين أمانيك والرجوع
وآمالك الصبحن حلم
أودعتي قلبك للظنون
وقطعتي أوصال الرحم
يا توبي وأرجعي بي قفاك
يا إتمادي وإرتكبي الإثم
يابذرة الريد العقيم
موؤودة القلب السقم
ياقايمه فوق حافة ضياع
وقيفك مطوق بالهدم
يابانية صرحك بالرتوش
رقاقه ضلك كيف يجم
منضارية في حفرة قفاك
وخلق الله شايلاك في الخشم
ضليتي من محراب هواك
ياواقفه فوق حد الرجم
لامن محرقصه بالعقد
ومليانة من ضلك برم
لو عندك أسرار الغيوب
كذابه عند الله العلم
ياناسية غفار الذنوب
ماعندو عبدا" بنظلم
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأحد ديسمبر 02, 2012 6:02 am

ده وعد مني وبرضو صادق
وعد إنسان مشتهيكي
ووعد زول صابر يلاهي
وهمو كلو يشوف عينيكي
ستو شايف الدنيا دونك
زي خريف مافيهو نسمه
وزي هجير يوماتي يحرق
وفي الليالي سموم وكتـه ..
نحنا ناس عايشين نفتش
في بلد ممحوق وزحمه ..
ونجري طول اليوم نجابـد
شان بطانا يلاقوا لقمه
وشان كمان يا ستوأقدر
أقطع الشك بي مجيكي
قبل أخش وأسكن قليبك
كنته ساكن في الشوارع
وضغته حاجات ياحبيبـه
رغم مرها برضي بالع
كنت مجبور لي ده كلو
غيري ياما الناس تصارع
ورغم كل هادي المصايب
ما إنقطع يوم عشمي فيكي
وهسه فرحان شان عرفتك
وبيكي فارقني الندم
والسنين الجايه فرحه
وبيكي متستف عشم ..
لا عوارض هاده حيلي
لا ظروف لا برضو هم ..
ومافي غير حاجات تفرح
وقبله دافية في وجنتيكي
ستو يوم تصدق رؤايا
ببقي حققته أمنياتي ..
لا نشاذ يسكن حروفي
وبيكي طاعمات أغنياتي ..
وياما حاتشـوفي القصايد
واضحه في دفتر حياتي ..
وأنثر الأفراح عشانك
يوم أجيك طالب إيديكي
الرجوع الى أعلى الصفحة اذهب الى الأسفل
شجون

 عضو فاعل
 عضو فاعل
شجون


عدد المساهمات : 146
تاريخ التسجيل : 26/02/2012
الموقع : كريمة..العقدة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأحد ديسمبر 02, 2012 11:55 am

ده كلام كبير علي فهمنا..
وينك بلسم المنتدي
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالإثنين ديسمبر 03, 2012 5:49 am

دا كلام عادي يا شجون
مرورك دائما يضئ دوحتي
دمتي بود
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالإثنين ديسمبر 03, 2012 5:54 am

زوله بتدخلك عنوه
وتسكن حنايا الروح ...
تتمده في جواك
بي كل وقار ووضوح ...
وتتخلل أنفاسك
ويمرق زفير البوح ...
وتلقاها مارقه حروف
ومعاكا وين ماتروح ؛؛؛؛؛؛
إنسانة كلها شوق
ومابتحمل الفرقه ..
تندسه في عينيك
ومابتقبل المرقه ..
أنسانة كلها ليك
فاجة الحلوق شهقه ..
ومالية الصدور بالحن
وبالضحكه منشرقه ؛؛؛؛؛
عينيها دافقه يقين
وتمسح دموع الناس ..
وساعة الغلابه تنوم
ما أظن يجيها نعاس ..
مشحونة كلها ريد
مليااااانة بالإحساس ..
عااشقه البلد بالصح
وتاج الوطن في الراس ..
وطنا" يعاني شتات
موجوع من الأنجاس ..
باعوهو في دلاله
يوم دقت الأجراس ؛؛؛؛
بهواكي يا ستو
ودايما" بلاهي عليك -
يابنية أموووره
ولا حولا من البيـك -
يا التبكي معبوووره
والدمعه في خديك -
خليكي عصفـوره
ودايما" بلوح ليـك -
وماتبكي شان الموت ،،
كل الخلوق حاتموت ،،
ولو الدموع بتجيب
ماكان بتلقي سكوت ،،
خلي الحزن في الجوف
وإتحملي الأهوال ..
دسيها دمعاتك
وماتبكي للاحوال ..
ياها الحياة وماااشه
وماليها أبدا" حال ..
ولسسع بموتو كتار
وعارفين فراقم حار
ومالينا غير نصبر
ونتقبل الأقدار
وخلي الأمور لله
غافر الذنوب ستااار .
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالثلاثاء ديسمبر 04, 2012 6:42 am

الصبر حق الغلابه
والمواجع هيلك إنتي ..
ونحنا دنيتنا السحابه
يوم براكي مطيره كنتي ..
كنا مليانـين رتابه
فجأة جيتي علينا بنتي ..
وكنتي زاد روحنا وشرابه
وهسه إنتي براكي خنتي ¤ ¤
نحنا ناس أصلا" نعاني
في وطن مدينا خيرو ..
نزرع الأشواق تهـاني
والوطن مالينا غيرو ..
وياما سطرنا الأغاني
شان يواصل ديمه سيرو ..
وجيتي إنتي تهـدي تاني
والعشيش هجرتي طيرو ¤ ¤
كنت ببني عشان عيونك
واحه للريد والغـرام ..
وعمري مافكرته أخونك
يا البتذرعي في الخصام ..
وياما تهته عشان أطولك
وأنتي فيني كما الغمام ..
وإشتهيت لو لحظه أكونك
وإنتي ريدك كان كلام ..
وفي النهاية ظهر جنونك
والفراق لحن الختام ¤ . ¤
الرجوع الى أعلى الصفحة اذهب الى الأسفل
بلسم

 عضو رائع
 عضو رائع
بلسم


عدد المساهمات : 511
تاريخ التسجيل : 04/09/2011
الموقع : الخرطوم

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأربعاء ديسمبر 05, 2012 8:37 am

كنتي ذاد روحنا وشرابه واسي انتي براكي خنتي..
انتي ريدك كان كلام وفي النهايةظهر جنونك والفراق لحن الختام..
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأربعاء ديسمبر 05, 2012 10:31 am

هادي البنية بتفتكر
إنو القلب بيضخ دموم ..
وماعارفه إني بضخها
في كل ثانية وكل يـوم ..
ويوماتي فيني بحسها
من أصحا لامن أدور أنوم ..
يازوله جارية علي العروق
ملصوقه فيني كما الهدوم ..
مالياني بالوفا والسماح
وياها الوحيده علي العموم ،
يانوره غيرك ببقي زول
تايه مشتت في الدروب ..
إنسان يعاني من المرض
وتاكل حياتو علي الحبوب ..
أنا غير عيونك ياملاذ
إنسان مستف بالذنوب ..
لا ليهو ملجأ ولا معين
لا لاقي فرصه عشان يتوب ،
يانوره هل فكرتي يوم
في لحظه تبكي بلا وجع ؟
أو تفقدي الروح والحبيب
في دنيا عاميها الطمع ؟
وتعيشي زي الماكي في
في دنيا لا شوف لا سمع ؟
غيرك تراهو الحال كده
والموته جاية مؤكده
ماطالا جوع الناس شبع ،
إحترته في هادي القلـوب
رغم الأنين بتحب كمان ..
ورغم الجراح الفيها دي
دايما" تفتش في الحنان ..
ويوما التريدك بي صدق
بتحس كأنك في أمان ..
تفرشلك الريد في الدروب
وورد الأحاسيس أقحوان ..
ولو حست إنك ماك وفئ
حا تتعبك طول الزمان
وتحلف عليك قدام شهود
إنك بشر للريده خان
الرجوع الى أعلى الصفحة اذهب الى الأسفل
بلسم

 عضو رائع
 عضو رائع
بلسم


عدد المساهمات : 511
تاريخ التسجيل : 04/09/2011
الموقع : الخرطوم

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأربعاء ديسمبر 05, 2012 10:36 am

خارج التغطييية..
ستو راحت وين؟
نورة جات من وين؟
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأربعاء ديسمبر 05, 2012 11:08 am

بلسم كتب:
خارج التغطييية..
ستو راحت وين؟
نورة جات من وين؟
يابخت من سموها نور
ومدفون عليها أطهر بشر ..
ضاماهو في حضن التراب
متمدي فيها كما القمر ..
وستو تختار بس تفوت
زي مابتفوت غيمة مطر ..
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالخميس ديسمبر 06, 2012 10:24 am

إفتقدتك وزي تكنك
غنوه في زمن الهبوط ..
وزي تكني سمعته فنك
وإتقطع بيناتنا شوط ..
وإتفقنا تكوني إنك
تبقي في الغنوات قوافي -
ورغم شوقي أكيد بظنك
زوله بتشقِي الفيافي -
وتنبذي أفعال الرزيله
وشايله في إيديها سوط ؛؛
ألف مره سرحته فيـكي
وفي خيالي بقيتي نجمه ..
ستو يا أحلي المداين
وفي الهجير جاياني نسمه ..
زي نسيم جايب الطراوة
في بلد خانقاهـو كتمه ..
والدقون الفيهو تحكم
تمنع الناس مافي كلمه ..
ولو نضمنا أكيد ضفورنا
ومابنشوفا ولا البيوت
ما العساكر ناس شفـوت
جنهم وجن الغلابـه
تكرهم وتدفر كلابه
وياما عففن فينا بوت
وإتفجخنا بألف جزمه ؛؛
ستو ياوحشة بلادي
إشتهيتك شوق يتامه -
ياحلاوتك فيني غنوه
وفي خديدك إبتسامة -
شايله أحزانك برااكي
في زمن مشحون ملامه -
وكل منايا أشوفك إنتي
واضحه زي ضل الغمامه -
ويوم تصبي علي حبيبك
والفرح يغمر قليبك
وفوق تحلقي زي حمامه ؛
الرجوع الى أعلى الصفحة اذهب الى الأسفل
بلسم

 عضو رائع
 عضو رائع
بلسم


عدد المساهمات : 511
تاريخ التسجيل : 04/09/2011
الموقع : الخرطوم

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالسبت ديسمبر 08, 2012 6:16 am

بغيرمن نسمه بي جيهتك تمر..
آه من غيرة"علي آه من حالي كر..
وكيف ستو تتحمل تقول نورة حتي ان كان حروفا"في سطر..
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالسبت ديسمبر 08, 2012 7:08 am

صورتك دي حتظل في الفؤاد
ومنحوته في حدق العيون ..
ومـهما وجع قلبينا زاد
العشـره ماظنيت تهـون ..
مانحنا مانا شبه سواد
لا برضو نحنا شبه ظنون ..
أنا وأنتي حنعمر بلاد
مابيني بينك والشجون ؛؛؛؛
~ ~ ~ ~ ~ ~ ~ ~ ~
وألقاكي فيني كما الغمام
في حضرة الوطن البتـول ..
والبيني مابينك وعـود
ووعدا" يحققو كل زول ..
وعد المحبين السمــاح
وعد الصحابه مع الرسول ..
وعد الغمامه مع الرعود
والدنيا تنعم بالهطول ..
مانحنا بيناتـنا الرحيـل
وعشم المسافرين الوصول ؛؛
~ ~ ~ ~ ~ ~ ~ ~ ~
صورتك مدوزنة في الوتر
ونغم الطنابير أغنيات ..
معزوفة في ليلة قمر
مسموعه في كل الجهات ..
لا مل حلقي ولا فتـر
شان إنتي مازي البنات ..
يا أحلي سنوات في العمر
مابين ضجيجك والسكات ؛؛
~ ~ ~ ~ ~ ~ ~ ~
لكن أكيد الجايي خير

ماطالا جايي من السما -
ورغم النواحات العويل
في دنيا سودا مضلمه -
وفينا البلاد ماتستريح
وجور الدقون الآثمه -
من جونا كيزان السواد
والحاله ماشه مأزمه -
ناس قوش ونافع والبشير
طه وبقية الشرزمه -
سرقوا البلد قوة ضراع
والحلم ضاع يامجرمين ،،
ياأرزقية وأمنجية وحاقدين ،،
حا تروحوا وين ؟
يوم الحساب حاتمشوا وين ؟
ياسارقين عرق الغلابه الكادحين -
ياحاكمين سارقين حقيق الطيبين -
حاتجروا وين من الحساب ؟
لا بتلقوا مخرج لا في باب ..
وحاتموتوا تحيوا علي العذاب
وساكنين جهنم بالسنين ....
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأحد ديسمبر 09, 2012 6:49 am

ماكنتي في يومي اللي جيت
كايس عليكي محل محل ..
متحدي أهــــوال سكتك
في دنيا عماها الشـلل ..
جواي أماني بلا حساب
مابتعرف الضيق والملل ..
إحساس غريب راودني فيك
عنوانو كان لازم أصل ..
وترتاح خطايا من الرحيل
دي أقل حاجه علي الأقل ...¤
يا ستو خليك في مكان
أقدر أشوفـك من بعيد ..
وأشعر بأنك في أمان
وأملابك الغنا والقصيد ..
مابيني مابينك وعـود
قلناها كان والدنيا عيد ..
إنك تظلي حبيبة لي
وأنا حا أظل عاشقك أكيــد ...¤
أنا زول مستـف بالحنيـن
ومليان أماني كما الغمـام ..
أحلامي كل مامـرا يـوم
أنا بيكي بزداد إهتمام ..
يا ستو نحنا البينا ده
ماريده ساااكت والسلام..¤
إتمني ألقـاك والبلد
فاتوها ناس عمر البشير ..
ناس طه نافع وبرضو قوش
مانلقي غير الخير وفـير ..
أنا حيلي مات يا ستو جد
وأصلو الدقون مافيها خير ..
ماطالا ناسا ولاد كلاب
والمابيعضي بكون حقير ......¤
الرجوع الى أعلى الصفحة اذهب الى الأسفل
بلسم

 عضو رائع
 عضو رائع
بلسم


عدد المساهمات : 511
تاريخ التسجيل : 04/09/2011
الموقع : الخرطوم

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأحد ديسمبر 09, 2012 12:05 pm

ماكنتي في يومي اللجيت
عزرا ان استعصت علي لغةالإبهام ..
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأحد ديسمبر 09, 2012 1:05 pm

ياستو يوم شفتك أنا
شفته الليالي تفيض صبر ..
وآمنته بي إنو الغرام
بيلون الروح والعمر ..
وإنو البموت في وجنتيك
زي التكنو شهيد بـدر
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالإثنين ديسمبر 10, 2012 8:28 am

ريدي وحبك دايما جواي
زي الغيمة تجيب المطر
وبرضو حياتي دونك انتي
فيزا جواز تأشيرة وسفـر ..
لي مداين كيف جميله
عيبا بس مابتفتكر ..
وناسية وكتيـن كنت فيها
ياما ضقته عليها مر ..... ؛؛
إلآ برضو تظل جميله
شان أقلو عليها رقه..
بت أرقه من النسايم
بهجة الروح كل سروره ..
بت بتزرع في المحاسن
ديمه رافعه تعلي سوره ..
وياما أدتي الحقايق
في بلد عاشت صبوره .
ياوطن .. إشتقــت ليك
وينك إنت ووين وشيك ؟
مشتهيك أنا يابلادي
وشوق دفين -
شوق طواري مناها كلو
في مناما تلاقي طين -
شوق مراكبية بتجدف
كل مناها تصل متين -
شوق غلابه يلاقو لقمه
وجاية بي عرق الجبين ..
شــوق خرافي
لي شواطيك والمرافي
زي مريض متمني عافي
وعايش الأوجاع سنين
يابــلد شقيت ترابا
من زمن وأنا كت صغير ..
وياما قضيت فيك ليالي
وكم لعبته علي كييير ..
كنتي أجمل حته إنتي
كنتي ملكه وأنا الأميـر ..
وكنتي ياما كريمه لينا
وكنا في أرضك نسيـر ..
لا دقون سرقت تمرنا
ومابينقدو إلآ طير ..
هسه ياحليلك بلادي
حالك إتشال في الروادي
والسبب عمر البشيـر ..
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالثلاثاء ديسمبر 11, 2012 6:13 am

خلينا أخوان يابت أحسن
وأفضل من أحبك وتنسيني ..
حبيتك وحاسس بي غدرك
وشفتك وأنا نايم بعتيني ..
الدنيا دي أصلا" يا السمحه
حتفرق بينك ومابيني ..
مع إنك زاتك تابعاها
ياشايله النوم من ود عيني ..
قررته أفوتك شان إنتي
إنسانة ولا بتحترم الريد ..
والناس الحولك شايفاهم
الفاهم فيهم زاتو بليد ..
ويافاكره غرامك يسعدني
أو إني بدونك ماني وليد ..
حتكوني كذبتي علي نفسك
وضيعتي سنينك وشن بيفيد . ؟
الدنيا حتمشي وماحتقيف
أحسن تتراجعي يازوله ..
والقصه البايخه دي أنهيها
دي حكاية وملينا فصولا ..
وإخراجك ليها ده مانافع ..
والقصه دي أصلا" منعوله ..
وإتعادت أكتر من مره
وطلعتي كمان إنتي الأولي ..
شان إنتي تجيدي التمثيل
وإجادتك مادايره دليل
ودوايرك كلها مشغوله . ،،
المشكله إنك ما عارفه
ومفتكره الدنيا دي في إيدك ...
ومفتكره النـاس الحوليكي
ماناس أصلا" ديلا عبيدك ..
ومفتكره كمان إنك ملكه
والناس محتفله عشان عيدك ..
لكن الناس الشايفاهـم
ومفتكره بإنك ذالاهـم
ديل أكعب زول فيهم سيدك .
الرجوع الى أعلى الصفحة اذهب الى الأسفل
هشام عبدالرحمن

 عضو رائع
 عضو رائع
هشام عبدالرحمن


جائزة مسابقة رمضان للعام 1432
عدد المساهمات : 815
تاريخ التسجيل : 12/06/2011
الموقع : البلد ام نيم

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالثلاثاء ديسمبر 11, 2012 7:15 am

شكللك كدا ياكردي الايام دي حضيري قاعد معاكم ؟ عززززززززززززبتنا بي ستو دي .ماعد تسمع بالتغير؟؟؟
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالثلاثاء ديسمبر 11, 2012 7:33 am

غيرو الحكومة يا هشام
وانا بغير ستو
حضاري ان شاء الله يبراك
اليومين دي بوستاتك حقت الحوبكانيات قلت
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأربعاء ديسمبر 12, 2012 6:06 am

انتي وحدك أبقي مارقه
ماكتيير قبلك مرقنا ..
وتهنا في تيهك ليالي
وإشتكيناك للخلقنا ..
يعني بس وقفت عليكي
ماكتاااار سارقين عرقنا ..
يامداين ضاجه وحشه
ياااااما في بحرك غرقنا ......
أصلي جيتك شان أحقق
أمنيات صعبت عليا ..
وكنت بحلم ألقي ستو
تسعد الروح الشقيه ..
وكنت عشمان يامداين
أستريح فيك لو شوية ..
إلآ فجأة لقيتك إنتي
جالبه للروح الأسيه ..
وسارقه أفراح اليتامه
وفيكي ماليهم هوية ....
مش حراااام يا ستو إنتي
تقضي عمرك في مدينه ؟
وسايبه عمرك يجري ساكت
في مداين زي كمينه ..
تحرق أشواقك تعذب
في دواخلك وبي غبينه ..
وتهرد أنفاس اللي زيك
والعمر يقعد رهينه ..
لي عصابه تبيع عرقنا
وتقبض الُربط السمينه ...
ستو أعملي جد حسابك
في مداين من لهيب ..
وأبقي عشره علي شبابك
وخلي جرحاتنا التطيب ..
وكل لحظه إتصلي بيا
وماتسوي الشين وعيب ..
ما البجر حبل التواصل
مابيخاف لدغ الدبيب ..
أكلي سممممممح
ونومي سممممح
وأمشي في نفس الدريب
اللي كنت بسير عليهو
لما كنت هناك غريب .
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأربعاء ديسمبر 12, 2012 2:04 pm

ااااااااااا
الرجوع الى أعلى الصفحة اذهب الى الأسفل
بلسم

 عضو رائع
 عضو رائع
بلسم


عدد المساهمات : 511
تاريخ التسجيل : 04/09/2011
الموقع : الخرطوم

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالخميس ديسمبر 13, 2012 10:52 am

؟؟؟؟؟؟
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأحد ديسمبر 16, 2012 6:01 am

محمد احمد نقد الله قال :

دي بت من نار دي بت من نور


دي بت خطره


دي بت كان جات تشوف النيل


بينشف تب ولا قطره


دي بت كان عاينت لي فوق


وكان الواطه عز الصيف


تدفق حالا"المطره


دي بت من نار دي بت من نور


دي بت كان ساي جات ماشه


بقيفو الناس بلا حركه


وتقول بس هسي نفخو الصور


دي بت ماخلقو ليها مثيل


ولابتشبه بنات الحور


دي مره مشت علي المستشفي


كان عيانه كتلت ليها كم دكتور
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأحد ديسمبر 16, 2012 6:15 am

إتدفقي وكبي المشاعر
في الشـوارع والبيوت ..
وأنا حا أظل أنده عليك
شان تمرقـي !
وتخشي في بيت كل زول
أدمن كلامـك والسكوت ..
وماتدخلي غير جوه في
بيت الغلابه المتعبين -
غرف اليتامه الدامعين -
أجمل مكان يا ستو ده
لا بتلقي ضجه ولافي صوت ..
وأنا في إنتظار حضرة مجيك
متمدي مليااااان بالحضور ..
وفاردلك الأحضان وطن
بالرغم مابي من فتور ..
وراجيكي يا آخر نجاه
تبني الكباري علي الجسور ..
وتقوم مدن عالية وقصـور ..
تحضن أراضيـنا البذور ..
تسكن شديراتنا الطـيور ..
لا بندقية ولا زخيره ولا صقور ..
وشن دايره تاني وشن بدور ؟؟
يا أنثي بي كل الحضور ..
يابت تعلمنا الصبر ومعني الثبور ..
يازوله مابتعرف تلف فينا وتدور ..
كده ده الوطن !
العاجبو عاجبو بلا محـن !
والمابيعجبو ده ما وطن !
ي ستو حضنك هو السكن
وأجمل كتيـر ..
من كل حاجه بلا عمار
أجمل ديار والفيها خير ..
نيمه وتُكل أوضه وحويش
نسمه وتمر بعد الهجير ..
وكيف حلوه ياهادي الحياة
وكيف طاعمه ياموية الحفير ..
مافيش فريزر إلأ زير ..
لقمه وبتنزل في البطون
فرحة جنانا الدااب صغير ..
يا ستو بالجد إنتي خير
والجايي بعدك كلو خير
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالإثنين ديسمبر 17, 2012 8:47 am

يا حبيبة إذا إفترضنا
إني مته عليكي شوق !
إيه حتعملي بي ورايا
إذا الشمس أبت الشروق ؟
وليلك الممتدي طوول
وقلبك إتأذي بالحروق ؟
ودنيتك صارت تعاكسك
ماشه تنزل وإنتي فوق ؟
ما أظن حتموتي زيي
وأنا العوير كاتلني شوق
لي زمن وأنا أهاتي بيكي
ولا بتجاوبي ولا في رد ..
والعمر فاايت مروح
والسنين عديتا عد ..
والليالي كتيير تكاجر
والضغوط ماليها حد ..
وحتي أحلامي المعاكي
راجية تنتظر المدد
ستو لو بتخافي ربك
أبقي حني علي شويه ..
يكفي إني هويت عيونك
في وطـــن مليان أسية ..
وفي بلد بالوحشه تكتل
لا بترحم لا في نيه ..
وكل زول سايب مشاعرو
وجاري عندو أظن قضية ..
والقضية حلولا مااافي
ما الحكومات كيف غبية ..
وخاصة حاكومة بلدنا
بي كلابا الأرزقيه ..
يبقي شن فايدة هوانا
إذا أعيش مشحون أذية ؟؟
الرجوع الى أعلى الصفحة اذهب الى الأسفل
بلسم

 عضو رائع
 عضو رائع
بلسم


عدد المساهمات : 511
تاريخ التسجيل : 04/09/2011
الموقع : الخرطوم

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالإثنين ديسمبر 17, 2012 7:40 pm

ياحبيبه اذا افترضنا اني مت وراك شوق أيه حتعملي بي وراي؟
عليك ماكتيرةالسنين اللعدو..ولاباقي عمرا يضيع في رجاك
وراك شن بدور بالسنين الممله؟
كما الامسيات لماتظلم تشتاق للأهلة
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأربعاء ديسمبر 19, 2012 7:53 am

بتنفسك نسمه فرح وكتين يضيق صدر الهموم
وتحسسك رعشه ودعاش ومطر رزار سايق الغيوم
واتخيلك أجمل حلم صابح هواي وكتين انوم
بتوجك خاطري الولوف يتوسدك ريدا يدوم
وبلسمك روعه هواي مكسية بي حدق العيون
واهديها ليك يابلسم جروحي
لحظه فرح تتشابا لي زولا حنون
واقفل عليك باب الجفون واسكن هواك باقي العمر
لا بمرقك ولا ليك بخون يا انتي ياحبي الحنون
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأربعاء ديسمبر 19, 2012 10:50 am

حلم الجعان العيش
وأنا حلمي شوفتك بس ..
والباقي كلو يهون
مادام بحسك حس ..
وإحساسي بيكي أصيل
يكفيكي فيني نفس ..
ويكفيني إنك لي
كل الشعـور والحس
يا ستو نحنا إتنين
خلقونا شان مانريد ..
وأنا ريدي ليكي إحساس
يوماتي ماشي يزيد ..
وشوقا" كتلني عليك
سايبني أبكي شديد ..
وأزرف دموم من دم
زي أم جناها شهيد
أنا بيكي جد فرحان
والفرحه كاتلاني ..
وداير أشوفك بـس
وآآخدك في أحضاني ..
وإندسه في عينيك
وأهرب من أحزاني
في دنيا ورديه -
أحلاما دغريه -
والبيني بين عينك
زي فرحه عيديه -
وكان بس منايا أجيك
بس حالتي سجماني
يا ستو لازم أشوف
حضرة عويناتك ..
وأحضن أنامل إيديك
وتسعدني بسماتك ..
ولو الله قدر وراد
يجمعني بي زاتك ..
يبقي المحال إنتم
وجمعتني جناتك ..
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالسبت ديسمبر 22, 2012 7:15 am

يامشرع الحلم الفسيح
أنا بيني مابينك جزر
تترامي والقول اللديح
القدرة والزاد الشحيح
كملتو ماكمل الصبر
نتلاقي في الزمن المديح
ميعادنا في وش الفجر
،،، ،،،، ،،،
يامشرع الحلم الفسيح
يابعض مني وفيني ساكن
أنا أصلي منك ومشتهيك
وبيناتنا ليل الغربه داااكن
هبت هبوبك -
أفتح شبابيك المساكن
وسع دروبك -
ولع مصابيح الأماكن
،،، ،،، ،،،
يامشرع الحلم الفسيـــح
يومنا النهب أسلبنا خوفنا
كبرنا قدرك مرتين
وطول قدر كتفك كتوفنا
ياغضبة الرعد البيسكـن
في غناوينا وحروفنا
ضوي الدساكر والضفاف
عبي الحناجر بالهتاف
سدد مسامات الرعاف
ستو مغاراتنا وكهوفنا
،،، ،،، ،،،
يامشرع الحلم الفسيح
أنا وإنت والمطر الفصيح
حنطوع الزمن القبيح
ناخد بعض شكل السما
حدثني دايما" كلما
تنشف علي البر الضفادع
يهجر الضو المواضع
تسقط من الكف الأصابع
حدثني دايما" كلما
تحرد مراسيك السفـن
تسكن مرافيك
الزعامات الدمي
حدثني لو تاهت خطانا
علي الدروب المبهمه
أو ربما !
تهدم آلآت الشوارع
وترجم العزي الصواقع
حدثني لو صادف
الكي المواجع
وضلك علي الساحل رمي
حدثني لو مطرك هما
علمنا دايما" كلما
نبذر علي أرضك شهيد
تطلع شمس تبهر
بأنـوارا السما
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالخميس ديسمبر 27, 2012 9:46 am

أفتقدتك في المواجع
لما ياااما نزفته دم ..
وكنت فاكرك يا الحنينـه
زوله بتزيلي الألـــم ..
إلآ آآآآآه بعد المسافه
وإنقطاع حبل العشم ..
وحرقة الزول لما يدفع
من عميرو سنين ندم ،،،
ستو دمعات الغلابه
يوم تفيض تغرق مدينة ..
مارقه بي حرقه ولهيبا
يحرق الدنيا اللعينـة ..
أنا ود غلابه آستو مارق
من بطن ظلت أمينة ..
ومابتلد غير الأغاني
وكلمة القول الرصينة ،،،
الوجع يا ستو عندي
حاجة زي طعم التمر ..
مره بتمططق طعيمـو
وفي الحلق ينزل يمر ..
ومره يحرق لي لهاتي
وفي لساني بحسو مر ..
وعادي عندي وجع قليبي
أنا أصلي مخلوط بالجمر ..
والجمر يآذي الوطاهو
وياما حررق ومنو كُر ،،،
أنا عشته شان خاطر عيونك
أحلي سنوات الغرام ..
وديمه بحلم بي لقاكي
وأهدي ليك أجمل كلام ..
وعارفك إنتي أصيله داايما"
ومارقة بتفجي الغمام ..
وسايقه لي وطنك بشاير
ورافعه إيدك للسلام .
الرجوع الى أعلى الصفحة اذهب الى الأسفل
صلاح على خليفة

 عضو واعد
 عضو واعد
صلاح على خليفة


وسام العضو المتميز
عدد المساهمات : 89
تاريخ التسجيل : 04/12/2012
الموقع : الخرطوم

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالجمعة ديسمبر 28, 2012 4:44 am

مشكووور على الابداع لك التحيةولاتحرمنا من قلمك الراقــــــــى
الرجوع الى أعلى الصفحة اذهب الى الأسفل
كردي ستار

 مشرف القسم العام
 مشرف القسم العام
كردي ستار


عدد المساهمات : 4661
تاريخ التسجيل : 21/05/2011
الموقع : كريمة

استعجلي وخشي القليب - صفحة 4 Empty
مُساهمةموضوع: رد: استعجلي وخشي القليب   استعجلي وخشي القليب - صفحة 4 Icon_minitimeالأحد ديسمبر 30, 2012 9:18 am

صلاح على خليفة كتب:
مشكووور على الابداع لك التحيةولاتحرمنا من قلمك الراقــــــــى
تسلم ياراقي
الرجوع الى أعلى الصفحة اذهب الى الأسفل
 
استعجلي وخشي القليب
الرجوع الى أعلى الصفحة 
صفحة 4 من اصل 7انتقل الى الصفحة : الصفحة السابقة  1, 2, 3, 4, 5, 6, 7  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
 :: القسم العام :: منتدى الخواطر و الشعر-
انتقل الى: